پارتی دیموکراتی کوردستان و بزوتنەوەی گۆڕان لە راگەیەنراوی ھاوبەشی کۆبوونەوەکەدا ئاماژەیان بەوەکردووە، ھەردوولا کۆکبوون بۆ کۆکردنەوەی ھەموو ھێز و تواناکان بۆ پاراستنی قەوارەی ھەرێمی کوردستان و دانانی ستراتیژیەتی ھاوبەشی نیشتمانی ھێز و لایەنە سیاسییەکان بۆ ھەڵگرتنی بەرپرسیارێتی قۆناغەکە.

لە بەشێکی دیکەی راگەیەنراوەکەدا ھاتووە، لە کۆبوونەوەکەدا جەختکراوەتەوە لە بەھێزکردنی پەیوەندییەکانی ھەردوولا بە تایبەت بۆ پاڵپشتیکردنی حکومەتی ھەرێم بۆ ھەنگاوەکانی لەگەڵ حکومەتی فیدراڵ لەپێناو دابینکردنی مافە دەستورییەکان و شایستە داراییەکان و لەنێویاندا مووچەی مووچەخۆران و باشترکردنی بژێوی ژیان و گوزەرانی ھاووڵاتیان.

مەولود سابیر، بەڕێوەبەری گشتی بانکە بازرگانیەکان لە وەزارەتی دارایی  ھەرێم، بە ھەڵە لێکدانەوەیەک لە بابەتی ھەژمارکردن و لێکدانەوەی داھاتی ھەرێمی کوردستان ھەیە، ھەموو داھات بە نەقدی نییە تاوەکو بۆ مووچە تەرخانبکرێت، ھەندێک لە وەزارەتەکان بەشێکی داھات بۆ خۆیان دەگێڕنەوە و خەرجی دەکەن، بۆ نمونەش وەزارەتی ناوخۆ ٢٥%ی داھات بۆ خۆیان بەکاردەھێننەوە.

ئاماژەی بۆ ئەوەشکردووە، ئەوەی دەوترێت داھاتی ناوخۆ٣٢٠ ملیار دینارە، بەڵام ئەوە داھاتی کۆتایی نییە و دەبێت ھەژماری کۆتایی دیاری بکرێت، چونکە داھاتی کۆتایی ئەو بڕەیە، وەکو نەقد دەتوانرێت بۆ مووچە و پێشینەی فەرمانگەکان و پێداویستیی حکومەت بەکاریبھێنن.

جەختی لەوەشکردووەتەوە، داھاتی نەقدی ئەوەی ھەیە لە ھەولێر و دھۆک و سلێمانی مانگانە ١٧٠ ملیار دینارە و داھاتی کۆتاییە.

ئەمڕۆ قاسم ئەعرەجی گەیشتە ھەولێر و لەگەڵ رێبەر ئەحمەد وەزیری ناوخۆی ھەرێمی کوردستان کۆبووەوە، بەپێی زانیارییەکان لە کۆبوونەوەکەدا گفتوگۆ لەبارەی پێکدادانەکانی چەند رۆژی رابردووی نێوان پێشمەرگە و سوپای عێراق لەسنووری مەخموور کراوە و لە ئێستاشدا قاسم ئەعرەجی و وەزیری ناوخۆ سەردانی شوێنی رووداوەکە لە سەردانی چیای قەرەچووغ دەکات. 

ھەربەپێی زانیارییەکان، رێبەر ئەحمەد و قاسم ئەعرەجی، گفتوگۆیان لەبارەی دەستبەکاربوونی لیوای ٢٠ی ھاوبەشی وەزارەتی پێشمەرگە و وەزارەتی بەرگریی عێراق کردووە، ئەوەش بۆ پڕکردنەوەی ئەو بۆشاییە ئەمنییانەی لە نێوان ھێزەکانی پێشمەرگە و ھێزە ئەمنییەکانی عێراق ھەیە.

خۆبەڕێوەبەری لە راپۆرتەکەیدا دەڵێت، فڕۆکە جەنگی و بێفڕۆکەوانەکانی تورکیا، لە ماوەی ھەفتەیەکدا ٢٢٤ شوێنیان لە باکوور و رۆژھەڵاتی سوریا بۆردومانکردووە، کە بەشێکیان دامەزراوەی خزمەتگوزاریین و بەشێکیان وێستگەی سووتەمەنین.

راپۆرتەکە ئاڕاستەی ١٩ رێکخراو و نوسینگە و نوێنەرایەتیی نێودەوڵەتی کراوە، لەوانە نوسینگەی سکرتێری نەتەوە یەکگرتووەکان و نوێنەرانی ئەمریکا و روسیا و چەندین وڵاتی ئەوروپی کراوە و تێیداھاتووە، بەھۆی بۆردومانەکانەوە ٤٧ کەس گیانیان لەدەستداوە و ٥٥ کەسیش برینداربوون، ھەروەھا ئاستی زیانەکانیش تائێستا دەگاتە ٥٦ ملیۆن دۆلار.

سۆران عومەر، سەرۆکی فراکسیۆنی کۆمەڵی دادگەریی کوردستان رایگەیاند، رۆژی دووشەممە لەگەڵ عەلی باپیر سەرۆکی کۆمەڵی دادگەریی کوردستان و وەفدێکی حزبەکەیان، لە بەغداد لەگەڵ محەمەد شیاع سودانی سەرۆک وەزیرانی عێراق کۆبوونەتەوە.

سۆران عومەر وتیشی، لە کۆبوونەوەکەدا داوای مووچەخۆران و خەڵکی ھەرێمی کوردستانیان گەیاندە سودانی و ئەویش وتی، خۆی بە بەرپرسیار دەزانێت بەرامبەر ھاووڵاتیانی ھەرێمی کوردستان لە ھەولێر و سلێمانی و دھۆک و ھەڵەبجە، ھەروەک ھاووڵاتیان و مووچەخۆرانی عێراق لە بەسرە و موسڵ و پارێزگاکانی تر.

لەبارەی جیاکردنەوەی مووچەی فەرمانبەرانی ھەرێمی کوردستانیش لە خەرجی راستەقینە، سودانی وتوویەتی، لەگەڵ ئەوەدان پرسی مووچە جیابکرێتەوە لە بابەتەکانی تر، بۆ ئەوەش پشتیووانیی ھەموارکردنەوەی یاسای بودجە دەکەن بۆ ساڵی ٢٠٢٤.

بەوتەی سۆران عومەر، سودانی ئاماژەی بەوەشکردووە، بۆ مووچەی مانگەکانی تری ھەرێم، لە مانگی کانوونی یەکەم پاکتاوی داھات و خەرخی لەگەڵ ھەرێم دەکرێت، بۆ ئەوەی بزانن ھەرێم پارەی تری دەکەوێت یان نا.

سودانی راشیگەیاند، لەگەڵ ئەوەدان کێشەکانی نێوان ھەولێر و بەغداد بەیەکجاری چارەسەربکرێت، دەرکردنی یاسای نەوت و غازیش، کێشەی نەوتی ھەرێم چارەسەر دەکات.

بەڕێوەبەرایەتی گشتی حەج و عومرە رایگەیاند، رۆژی پێنجشەممە دوا رۆژی پڕکردنەوەی فۆڕمی حاجیانی ھەرێم دەبێت بۆ ساڵی ٢٠٢٤.

ئاماژەی بۆ ئەوەشکردووە، ئەمساڵ رێکارەکانی حەجکردن لە سعوودیە پێشخراوە و ھەموو وڵاتان ئاگادارکراونەتەوە و دەبێت بەر لە ساڵی ٢٠٢٤ رێکارەکان تەواوبکەن، بۆیە دوای کۆتاییھاتنی پڕۆسەی ناونووسین بەڕێوەبەرایەتی گشتی حەج و عومرە، سەرقاڵی رێکخستنی ناوەکان و ئامادەکردنیان بۆ تیروپشک دەبێت.

داوا لە ھەموو ھاووڵاتیانش دەکەن ئەوانەی تائێستا ناویان تۆمارنەکردووە تا رۆژی پێنجشەممە سەردانی نووسینگەکانی حەج و عومرە لە پارێزگا و ئیدارە سەربەخۆییەکان بکەن، بە پێچەوانەوە دوای ئەو وادەیە فۆڕمی ناونووسینی حەج بەردەست نابێت.

تارا ئەنوەر قەرەداغی، بەڕێوەبەری گشتی لە دەستەی داواكانی موڵكداریی عێراق بە كوردسات نیوزی رایگەیاند، رۆژی چوارشەممە دەستەی داواكانی موڵكداری جارێكی دیكە بڕی دوو ملیار دیناری دیكە بەسەر ئەو كەسانە دابەشدەكات كە زیانلێكەوتووی دەستی رژێمی بەعس بوون، ئەو پارەیەش ئەوانە دەگرێتەوە، داواكارییان پێشكەشی دەستەكەیان كردووە.

وتیشی، دوای ئەوەی ئەو داواكارییانەی پێشكەشكراون لە لیژنەی دادوەری دەستەكەیان پلەی كۆتایی وەرگرتووە، بڕیاری دابەشكردنی ئەو بڕە پارەیە دراوە.

هەروەها تارا ئەنوەر ئاماژەی بۆ ئەوەشكردووە، لەئێستادا 405 كەس سودمەنددەبن، پڕۆسەی خەرجكردنی پارەش بۆ زیانلێكەووتوان بەردەوامی دەبێت.

دکتۆر نەرمین مەعروف ئەندامی لیژنەی دارایی لە ئەنجومەنی نوێنەران بە کوردسات نیوزی راگەیاند، بەپێی رێککەوتنەکان، دەبێت لە سبەینێوە تا کۆتایی ئەم ھەفتەیە ئەو قەرزەی کە دەدرێتە ھەرێم بۆ مووچەی فەرمانبەران بخرێتە سەر ھەژماری بانکی ھەرێمی کوردستان.

وتیشی، ئەم مانگە مووچەی بەشێک لە فەرمانگەکانی حکومەتی فیدڕاڵیش چەند رۆژێک دواکەوتووە.

بەگوێرەی رێککەوتنەکەی نێوان ھەرێم و بەغداد، حکومەتی فیدڕاڵ بۆ سێ مانگ لەرێگەی بانکەکانی رافدین و رەشید و تی بی ئای، مانگانە ٧٠٠ ملیار دینار بە قەرز بۆ ھەرێم دەنێرێت بە مەبەستی دابەشکردنی مووچەی فەرمانبەران.

سەرۆکایەتی ئەرکانی وەزارەتی پێشمەرگە لە راگەیەندراوێکدا ئاماژەی بەوە کردووە، پابەندبوون بە کارکردن لەگەڵ حکومەت عێراق دووپاتدەکەنەوە لەپێناو چارەسەرێکی ریشەیی و بەردەوام کە ئاسایش و سەقامگیری لە سەرتاسەری عێراق بەدیبھێنێت.

دەشڵێت، پشتیوانی خۆیان دەردەبڕین بۆ ناوەڕۆکی راگەیەندراوەکەی فەرماندەی گشتی ھێزە چەکدارەکانی عێراق بە مەبەستی لێکۆڵینەوەی خێرا و روون لە رووداوەکە بۆ دیاریکردنی ھۆکارەکان و دۆزینەوەی رێگەچارەی گونجاو بۆ سەقامگیری ئاسایش و ئارامی لە ناوچەکە.

ئێوارەی دوێنێ بەھۆی ناکۆکی لەسەر پڕکردنەوەی ئەو سەنگەرانەی پەکەکە چۆڵیکردن، لە چیای قەرەچوغ شەڕ و پێکدادان لەنێوان سوپای عێراق و پێشمەرگە روویدا و بەھۆیەوە دوو پێشمەرگە شەھیدبوون و سێ پێشمەرگەی تریش برینداربوون.

یەکێتی مامۆستایان لە راگەیەنراوێکدا ئاماژەی بەوەکردووە، بڕیاریداوە یاداشتێک بۆ ئەنجوومەنی وەزیران بەرز بکاتەوە کە خۆی لە چوار خاڵ دەبینێتەوە بۆ چارەسەرکردنی بایکۆت.

رونیشیکردووەتەوە، داواکارییەکان بریتین لەوەی بەزووترین کات مووچەی مانگی ھەشت دابەش بکرێت، وەزارەتەکانی پەروەردە و خوێندنی باڵا لە ریزبەندی پێشەوەی لیستی مووچە دابنرێن، پلەبەرزکردنەوەی مامۆستایان دەستپیبکاتەوە و کێشەی مامۆستایانی وانەبێژ بە دامەزراندن یاخود بە گرێبەست کردن لەگەڵیان چارەسەر بکرێت.

یەکێتی مامۆستایانی کوردستان جەختدەکاتەوە، جێبەجێکردنی ئەو یاداشتە دەبێتە خاڵێکی گرنگ بۆ بەردەوامیدان بە پرۆسەی خوێندن داواکارییەکان داواکاری ھەنووکەیی مامۆستایانە بۆ دەستپێکردنەوەی دەوام بەتایبەت لەو ناوچانەی کە بایکۆتی خوێندنیان کردووە.

سەرچاوەیەک لە ھێزەکانی پێشمەرگە بە کوردسات نیوزی راگەیاند، دوای شەڕ و ئاڵۆزییەکانی نێوان ھێزی پێشمەرگە و سوپای عێراق لە چیای قەرەچووغ کە شەھید و برینداری لە ھەردوولا لێکەتەوە، بڕیاردراوە ژوورێکی ئۆپراسیۆنی ھاوبەش لە نێوان ھێزی پێشمەرگە و سوپای عێراق دروستبکرێت بە چاودێری ھێزەکانی ھاوپەیمانی نێودەوڵەتی بە مەبەستی لێکۆڵینەوە لە ھۆکارەکانی درووستبوونی ئەو شەڕە.

وتیشی، لە چەند سەعاتی داھاتوودا پێشمەرگە و سوپای عێراق ئەندامانی ژووری ئۆپراسیۆنی ھاوبەش دیاریدەکەن کە ژمارەیەک فەرماندەی سەربازیی ھەردوولا دەبن.

لەسەر رووداوەکە، محەمەد شیاع سودانی فەرماندەی گشتی ھێزە چەکدارەکانی عێراق فەرمانیکرد بە پێکھێنانی لیژنەیەکی لێکۆڵینەوە و داوای دانبەخۆدا گرتنیش دەکات.

لای خۆیەوە، سەرۆکایەتی ئەرکانی وەزارەتی پێشمەرگە لە راگەیەندراوێکدا پابەندبوونی بە کارکردن لەگەڵ حکومەت عێراق دووپاتکردەوە لەپێناو چارەسەرێکی ریشەیی و بەردەوام کە ئاسایش و سەقامگیریی لە سەرتاسەری عێراق بەدیبھێنێت.

دەشڵێت، پشتیوانی خۆیان دەردەبڕین بۆ راگەیەندراوەکەی فەرماندەی گشتی ھێزە چەکدارەکانی عێراق بە مەبەستی لێکۆڵینەوەی خێرا و روون لە رووداوەکە بۆ دیاریکردنی ھۆکارەکان و دۆزینەوەی رێگەچارەی گونجاو بۆ سەقامگیری ئاسایش و ئارامی لە ناوچەکە.

لە مەراسیمی کۆتایی خولەکەدا باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی ئامادەبوو وتەیەکی پیشکەش مامۆستایانی بەشداربوو کرد و وتی: "لە کردنەوەی ئەم جۆرە خولانە دامەزراوەی سەرۆک جەلال تاڵەبانی بەردەوام دەبێت و ئامانجمانە لەڕێگەی ئەم خولانەوە مامۆستای پرۆفیشناڵ پێبگەیەنین و زانکۆکان لێی سوودمەندبن" و سەرۆکی دامەزراوەی سەرۆک جەلال تاڵەبانی وتیشی: "کردنەوەی ئەم خولە لە چوارچێوەی واژۆکردنی لێکتێگەیشتنمانە لەگەڵ زانکۆی ھەڵەبجە و ھەڵەبجە و ھەڵەبجەییەکان بۆ ئێمە گرنگن دەمانەوێت زۆرترین پرۆژەمان لە شاری ھەڵەبجە بێت".

لە خولەکەدا نوێترین بابەتە زانستی و تەکنیکییەکان فێری مامۆستایان کراوە کە لە پرۆسەی پەروەردە و فێرکردندا بۆ مامۆستایەکی زانکۆ پێویستە، ھەرووەھا باس لە ئەکادیمی تووڵەکان کراوە "ئامرازەئەکادیمییە مۆدێرنەکان" کە کەسێکی ئەکادیمی پێویستییەتی وەک مامۆستا یان توێژەر لە ناوەندێکی ئەکادیمیدا، ھەروەھا لەم خولەدا وانەی درووستکردنی نوێترین ئەکاونت و بەرنامە نێودەوڵەتییەکان، بڵاوکردنەوەی توێژینەوەکان لە گۆڤارە زانستییە نێودەوڵەتییەکان وترایەوە کە مامۆستایان بۆ بابەتی توێژینەوە پێویستیانە و لێی سوودمەند دەبن.

خولەکە مامۆستایانی زانکۆی ھەڵەبجە بەشداری تێدا کرد، ئەم خوولە بۆ ماوەی چوار ھەفتە و بەشێوازی گرووپ بوو، رۆژی دووشەممە رێکەوتی ٢٣/١٠/٢٠٢٣ بە کۆتا گەیشت، پ. د. مھاباد کامیل عەبدوڵڵا، سەرۆکی زانکۆی ھەڵەبجە لە وتەیەکیدا سوپاسی دامەزراوەی سەرۆک جەلال تاڵەبانی کرد  و ھیوای خواست کە ئەم جۆرە خولانە بەردەوام بێت.

لە کۆتایی خولەکەدا بڕوانامەی بەشداربوون درایە ئەو مامۆستایانەی بەشدارییان کرد بوو، خولەکەش لەلایەن مامۆستا باوەڕە محەمەد، مامۆستای لە بەشی کۆمپیوتەری زانکۆی ھەڵەبجەوە وترایەوە. ئەم خولە یەکێکە لەو زنجیرە خولانەی دامەزراوەی سەرۆک جەلال تاڵەبانی کردوویەتێەوە بۆ بەشێک لە فەرمانگە جیاوازەکانی شاری سلێمانی، ئامانج لێی بەرزکردنەوەی تواناکان و بەھێزکرنی زانیاریی مامۆستایان و فەرمانبەرانە لەڕووی ماف و ئەرکەکانیان لەبواری کارگێڕیدا.

دەمانەوێت ئاگاداریان بکەینەوە لەو کارە نایاسایییانەی کە بەرامبەر کورەک تیلیکۆم ڕوو دەدەن، تاکە کۆمپانیای نیشتمانی لەسەر ئاستی عێراق لە بواری پەیوەندییەکاندا. مایەی سەرسووڕمان بوو بۆمان لە دەرکردنی بەیاننامەیەک بۆ ڕای گشتی عێراق، لە بیست و دووی مانگی تشرینی یەکەمی ئەمساڵدا لەلایەن دەستەی پەیوەندییەکان و ڕاگەیاندنی عێراقەوە کە ھاووڵاتییانی لەو کارە ئاگادار دەکاتەوە و ئەو ڕێوشوێنە نایاسایییانەی کە لەلایەن ئەوانەوە بەرامبەر کۆمپانیاکەمان گراوتەبەر. ھەست دەکەین کە پێویستە ھەڵوێستی خۆمان بەم شێوەیە ڕوون بکەینەوە:

یەکەم: ئێمە پابەند بووین و ھەمیشە پابەندین بەو یاسا و ڕێنمایییانەی کە لەلایەن دامەزراوە فەرمییەکانی وڵاتەوە دەردەچن، وەک چۆن لە ھەوڵەکانماندا شکستمان نەھێناوە بۆ کۆتاییھێنان بەو ناکۆکییانەی کە لە ئەنجامی ئەو خراپ بەکارھێنانەی کە لە نێوانماندا ڕوویان داوە کۆمپانیا لە سەرەتای بەدەستھێنانی مۆڵەتەوە تا ئەمڕۆ لەلایەن دەسەڵاتەوە تووشی بووە، سەرچاوەی سەرسووڕمانمان لە لێدوانەکەی کۆمیسیۆن لەوەدایە کە لەگەڵ دەستەی میدیا و پەیوەندییەکان بۆ چارەسەرکردنی کێشەکانی نێوانمان لە قۆناخە پێشکەوتووەکانی گفتوگۆدا بووین، کە بنەمای ھەڵەیەکی بنەڕەتی بوو لەلایەن خۆیەوە لە بێبەشکردنی ئێمە لە مافە جێگیرەکان لە گرێبەستی مۆڵەتدان. دواین دەستپێشخەری لەلایەن ئێمەوە کە پێشکەشمان کرد لە ڕێگەی نووسراوێکی فەرمی ژمارە ٩٩٦٥ - ٢٠٢٣ لە ڕێکەوتی ١٠/٣/٢٠٢٣ کە ئێمە ئامادەیی خۆمان دەربڕی بۆ یەکلاییکردنەوەی ئەو بڕە پارانەی کە دەسەڵات داوای کردووە، و پێشنیازەکانمان بۆ یەکلاییکردنەوەی ھەموو بابەتە دارایییەکان بە شێوەیەکی فەرمی و بەپێی ئەوەی یاساکە دیاری دەکات، کە ئێمە لە کۆبوونەوەیەکی ھاوبەشدا کە لە ٨/١٧/٢٠٢٣ لە بارەگای دەسەڵات بەڕێوەچوو لەگەڵ سەرۆکی دەسەڵات، لەسەری ڕێککەوتین، بەڵام خۆیان لە وەڵامدانەوەی پێشنیازەکانی یەکلاکردنەوەمان بە دوور گرت و بە لێدوانێک سەرسامیان کردین کە لەلایەن میدیای جۆراوجۆرەکانەوە بڵاو کرایەوە.

دووەم: سەرەڕای ئەو نادادپەروەرییەی کۆمپانیاکەمان ڕووبەڕووی بووەتەوە و بەرامبەری کراوە و بەردەوامیشە، ھەروەھا ئەو ھەنگاوە نایاسایییانەی کە لەلایەن کۆمیسیۆنی پەیوەندییەکان و میدیاوە بەرامبەرمان گیراوەتە بەر بە نەخستنە ڕووی ڕاستیی تەواو و پێدانی زانیاری ناتەواو بە دەسەڵاتی دادوەری، بەڵام ئێمە بەردەوامین لە پێشکەشکردنی خزمەتگوزارییەکانمان بۆ ھاووڵاتییان، وەک کۆمپانیاکەمان پەنای بۆ دەسەڵاتی دادوەری بردووە و سکاڵای یاسایی تۆمار کردووە بۆ داواکردنی مافەکانی، کۆمیسیۆنی پەیوەندییەکان و میدیاش ئاگاداری ئەوەیە و بەڵگەی ئەمەش ئامادەبوونی نوێنەرانی خۆیەتی لە ھەموو دانیشتنەکانی داواکەدا، ھەروەھا فەرمانی دەوڵەت لەلایەن دەسەڵاتی دادوەرییەوە دەرچووە کە کۆمیسیۆن پابەند بێت بەوەی ھێرش نەکاتە سەر کۆمپانیاکەمان تاوەکوو ئەم داوایە یاسایییانە یەکلایی نەکرێنەوە، بەڵام کۆمیسیۆن دانیان پێدا نەناوە و پابەند نەبوونە بە ناوەڕۆکی ئەو فەرمانانەی کە لەلایەن دەسەڵاتی دادوەرییەوە دەرکراون.

سێیەم: دەبێت بۆ ھەموو لایەک ڕوون بێت کە ھیچ لایەنێک مافی ئەوەی نییە بڕیار بدات بە داخستنی کۆمپانیایەکی خزمەتگوزاری پەیوەندییەکان کە زیاتر لە حەوت ملیۆن بەشداربووی ھەیە، تەنانەت ئەگەر ئەو بیانووەی کە سەرۆکی دەستە ئاماژەی پێ دەدات ئەوە بێت کە کۆمپانیا بڕە پارەیەکی لەسەرە و دەبێت بیدات، کۆکردنەوەی ئەم بڕە پارانە بەپێی ئەو چوارچێوەیە دەبێت کە لە یاساکەدا دیاریکراون، جا لە ڕێگەی دانانی پاسەوانی دادوەرییەوە بێت یان ھەر ڕێکارێکی تر کە یاسا دیاری کردووە، و نەک ئەوەی کە ئێستا دەیکەن بۆ بەھێزکردنی ڕکابەرەکان لەسەر حیسابی کۆمپانیا نیشتمانییەکەمان و ڕاگرتنی خزمەتگوزاری حەوت ملیۆن ھاووڵاتی و ببێتە ھۆی ڕاگرتنی کاری ھەزاران کارمەندی ڕاستەوخۆی پەیوەست بە کارکردن لەگەڵ کۆمپانیاکەمان بە شێوەیەکی ڕاستەوخۆ یان ناڕاستەوخۆ.چوارەم: ئێمە باوەڕمان وا بوو و ئێستاش پێمان وایە چارەسەرکردنی ناکۆکییەکان لە ڕێگەی کەناڵە فەرمییەکان و کۆبوونەوەی دانوستانکاریی بۆ گەیشتن بە چارەسەرێک کە بتوانرێت جێبەجێ بکرێت، و بژاردەی تر پەنابردن بۆ دەسەڵاتی دادوەری بێت، بەو پێیەی دەزگایەکی بێلایەن و متمانە پێکراوە، و ئەرکە بۆ ئەوەی ھەمووان قسەی کۆتایی خۆیان لەم جۆرە ناکۆکییانەدا ھەبێت کە لە ھەندێک حاڵەتدا لە ھەر کارێکی بازرگانیدا ڕوو دەدات، بەبێ گوێدان بەھای ئەخلاقی لایەنە ناکۆکەکان و قەبارەی کارەکە، ئەمە مافی کۆمپانیای کورەک تیلیکۆمە کە لە ماوەی ١٥ ساڵ دا خۆی لە میدیایی کردنی بابەتەکە بە دوور گرتووە، سەرەڕای ئەو بەڵگەنامە فەرمییانەی کە کۆمپانیای کورەک خاوەنیەتی کە بریتین لە ڕاستییە چەسپاوەکان و ئەنجامی لێکۆڵینەوە فەرمییەکان کە مافی کۆمپانیای کورەک دەسەلمێنن و ڕادەی ئەو نادادپەروەرییە ئاشکرا دەکەن کە کۆمپانیاکە ماوەی ١٥ ساڵە تووشی بووە. بەڵام لایەنی بەرامبەر پەنابردن بۆ ڕای گشتی ھەڵبژارد وەک جێگرەوەیەک بۆ دانوستان و پەیڕەوکردنی شێوازە یاسایییەکان بۆ گەیشتن بە چارەسەر.

پێنجەم: نەک ھەر کۆمیسیۆن پابەند نەبوو بەو شتانەی کە لەلایەن دەسەڵاتی دادوەری عێراقەوە دەرچووە، بەڵکوو لەوەش زیاتر ڕۆیشت و ڕێوشوێنی ئیداریی توندی گرتە بەر، پراکتیزەکردنی نادادپەروەری بەرامبەر کۆمپانیاکەمان بە ئارەزووی خۆی کرد و بەردەوامی ھەیە، کەشێکی ناتەندروستی بۆ دابینکردنی خزمەتگوزاری دروست کرد، و زیان بە مافەکانی بەشداربووان گەیاند و زیانیان پێ دەگەیەنێت لە ڕێگەی ڕێکارەکانی و لێدوانە دووبارەبووەکانییەوە، و بابەتەکە گەیشتە ئاستی سنووردارکردنی کارمەندانی کۆمپانیاکەمان لە ناوەندەکانی فرۆشتن.

شەشەم: سەرەڕای ئەو نادادپەروەرییەی کە ڕووبەڕووی بووینەوە و بەردەوامە، جارێکی دیکە ئامادەیی خۆمان دەردەبڕین بۆ پێشکەشکردنی خزمەتگوزاری بۆ سەرجەم ھاووڵاتییانی عێراق بەپێی ئەو مۆڵەتەی کە بە کۆمپانیاکەمان دراوە، بەو پێیەی ئەم مۆڵەتە بە فەرمانی دادگا بەردەوامە تا داوای یاسایی لە دادگاکانی عێراق یەکلایی دەکرێنەوە، لە ھەمان کاتدا ئامادەیی خۆمان دەردەبڕین بۆ ئەوەی لەسەر مێزی گفتوگۆ لەگەڵ کۆمیسیۆن دابنیشین بۆ پەرەپێدانی چارەسەر ی بۆ ھەموو ئەو کێشە و پرسانەی کە لە نێوانماندا ھەیە، سەرەڕای ئەوەی کە ئیدارەی ئێستای کۆمیسیۆن ھەمیشە سەرسەختە و ئارەزووی چارەسەرکردنی ئەو کێشانە ناکات و پابەند نییە بە فەرمانە دادوەرییەکان بەبێ ھیچ ڕێگرییەک و لێپرسینەوەیەک.

حەوتەم: پێویستە ئەوە ڕوون بکەینەوە کە ھەموو ئەو بەڵگەنامانەی کە مافی کۆمپانیاکەمان دەسەلمێنن، دەھێڵینەوە، بەڵام ئێمە دەستپێشخەریمان نەکردووە بۆ بڵاوکردنەوەیان لەبەر نیگەرانی خۆمان کە ئەو بەڵگەنامانە بۆ زیانگەیاندنە بە بەرژەوەندی گشتی، بەتایبەتی ئەگەر وەربگێڕدرێنە سەر زمانی بیانی، ئەمەش ئەو بڕوایە لای وەبەرھێنەرانی بیانی دروست دەکات کە ژینگەیەکی سەلامەت بۆ وەبەرھێنان نییە، بەڵام لە عێراقدا ئەگەر پێداگری بکەین لەسەر چارەسەرنەکردنی ھەموو کێشەکان و دادپەروەری بەرامبەر کۆمپانیاکەمان، ناچار دەبین بۆ ئاشکراکردنی بۆ ڕای گشتی.

ھەشتەم: بۆ ئەوەی کۆمپانیاکەمان بە شێوەیەکی دادپەروەرانە کۆتایی بە ھەموو کارەکان بھێنێت، داوا لە جەنابی سەرۆکی حکومەتی عێراق و بەڕێز سەرۆکی ئەنجوومەنی نوێنەرانی عێراق دەکەین لیژنەیەکی بێلایەن پێک بھێنن بۆ بەدواداچوون بۆ ڕاستییەکان، بە پشتبەستن بە بەڵگەنامەکانی سەلماندنی مافەکانی کۆمپانیاکەمان و ئەو تۆمەتانەی کۆمیسیۆن بە مەبەستی گەیشتن بە ڕاستییەکان وەک خۆی، نەک وەک ئەوەی خاوەن بەرژەوەندییەکان دەیانەوێت.

عەمید نەشئەت شاھوێز کاندیدی یەکێتیی بۆ ھەڵبژاردنی ئەنجومەنی پارێزگای کەرکوک بە کوردسات نیوزی راگەیاند، دوای ئەوەی ھەندێک تۆمەتی ناڕاست ئاڕاستەکرابوو لە کۆمسیۆن تا رێگە لە بەشداریکردنیان بگیرێت لە ھەڵبژاردن، تانایەن لە بڕیاری دوورخستنەوەیاندا و دادگای فیدڕاڵیش بە رەسمی تۆمەتەکانی رەتکردەوە.

وتیشی، ھیچ گرفتێک لە بەردەم کاندید بوونەکەیدا نەماوە و درێژە بەکاری خۆی دەدات بۆ کێبڕکێکردن و ھەوڵدان بۆ سەرخستنی خۆی و لیستەکەی لە کەرکوک.

لای خۆیەوە عەلی محەمەد لێپرسراوی سەنتەری ھەڵبژاردنی یەکێتی لە کەرکوک و سەڵاحەدین بە کوردسات نیوزی راگەیاند، پاڵپشت بە بڕیاری دادگا دوو کاندیدی یەکێتی لە کەرکوک و نەینەوا کە گرفتیان بۆ دروستکرابوو، گرفتەکانیان لەسەرنەما و بڕیاری دوورخستنەوەیان ھەڵوەشایەوە، ئەو دوو کاندیدەش یەکێکیان لە پارێزگای کەرکوک بوو بەناوی نەشئەت شاھوێز و ئەوی تریشیان سەرۆکی لیستی یەکێتی بوو لە موسڵ بەناوی دڵدار زێباری.

ئەو دوو کاندیدەی یەکێتی ١٩ی تشرینی یەکەم بەپێی بڕیاری دەستەی باڵای لێپرسینەوە و دادپەروەری عێراق، لەگەڵ ژمارەیەک کاندیدی دیکە لە کێبڕکێی ھەڵبژاردنی ئەنجومەنی پارێزگاکان دوورخرانەوە، بەڵام دادگای فیدراڵی بڕیاریدا ھەردوو کاندیدەکە لە کێبڕکێی ھەڵبژاردن بەردەوام بن.

ئەمساڵ ماڵپەڕی کوردبینی دەزگای میدیایی کوردسات، لەلایەن دامەزراوەی خەڵاتەکانی ئابووریی جیھانی، خەڵات دەکرێت کە ئەو کۆمپانیایە خەڵات بە تەلەفیزیۆن و میدیا و بوارەکانی تەکنەلۆژیا دەدات، خەڵاتەکەی ماڵپەڕی کوردبینیش تایبەتە بە باشترین خزمەتگوزاری ڤیدیۆیی لەسەر ئینتەرنێت لەسەر ئاستی عێراق.

کوردبین یەکێکە لە ماڵپەڕەکانی دەزگای میدیایی کوردسات، کە سەرجەم بەرنامە، دراما، فیلم، دۆکیومێنتاری و کلیپ و کۆنسێرتەکانی تایبەت بە کوردساتی تێدا دادەنرێت و ھاوڵاتیان دەتوانن لەو رێگەیەوە بینەریانبن.

دامەزراوەی خەڵاتەکانی ئابووریی جیھانی کە دامەزراوەیەکی خاوەن پێگەی بەریتانییە و بارەگاکەی لە لەندەنە، ساڵانە ھەڵدەستێت بە خەڵاتکردنی ئەو پێگە و پلاتفۆرمانەی کە کارەکانیان جیاوازە و سەردانکارانی بەئاسانی دەستیان بە خزمەتگوزارییەکان دەگات.

ناوەڕاستی مانگی ئابی ئەمساڵیش لە راپرسییەکدا، کەناڵی کوردسات لەسەر ئاستی ھەرێمی کوردستان، بە پڕبینەرترین کەناڵی گشتی دیاریکرا.

دلێر عەبدولخالق رێکخەری ژووری رۆژنامەوانیی بزووتنەوەی گۆڕان بە کوردسات نیوزی رایگەیاند، سبەی سێشەممە لە شاری ھەولێر، بزووتنەوەی گۆڕان و پارتی دیموکراتی کوردستان کۆدەبنەوە، کۆبوونەوەکەش لەسەر ئاستی باڵا دەبێت.

لەبارەی تەوەرەکانی کۆبوونەوەش وتی، ھەڵبژاردنی پەرلەمانی کوردستان و رەوشی سیاسی و ئابووریی ھەرێم و پەیوەندییەکانی ھەولێر و بەغداد و خۆئامادەکردنی ھەرێمی کوردستان بەرامبەر ئەو رەوش و گۆڕانکاریانەی لە عێراق و ناوچەکە ھەن، تاوتوێ دەکرێن.