بەهۆی روداوێکی هاتوچۆ رێگای گشتی هاملتۆن لە گەلی علی بەگ تا کاتێکی نادیار داخرا
٢٧ی کانونی یەکەمی ٢٠٢٤
ئۆتۆمبێلێکی بارهەڵگر خۆی کێشا بە پردێکی گەلی عەلی بەگ و بەهۆی داڕمانی بەشێکی پردەکەش رێگای گشتی هاملتۆن تا کاتێکی نادیار داخرا.
پەیامنێری کوردسات نیوز رایگەیاند، بەرەبەیانی ئەمڕۆ ئۆتۆمبێلێکی بارهەڵگر خۆی کێشاوە بە پردێکی ناو گەلی عەلی بەگ لەسەر رێگای گشتی هاملتۆن، بەهۆیەوە مەترسی لەسەر رووخانی پردەکە دروستبووە و رێگای سەرەکیش تا کاتێکی نادیار داخراوە.
ئاماژەی بەوەشکرد، بەهۆی روخانی بەشێكی پردەکەوە، لەپێناو سەلامەتی شۆفێران و هاووڵاتیان هەردوو سایدی هاتن و چوون لە گەلی عەلی بەگ داخراون.
هاوکات تیمێکی بەرگری شارستانی بە سەرپەرشتی کاروان میرئاوەدەلی بەڕێوەبەریی بەرگریی شارستانیی سۆران لە شوێنی روداوەکەن، بەڵام تا ئێستا نەتوانراوە بارهەڵگرەکە لە شوێنەکە لاببرێت.
وێنەکان
