"خالد شوانی" وەزیری ھەرێم بۆ کاروباری دانوستان لەگەڵ حکومەتی فیدراڵ بە کوردسات نیوزی راگەیاند، دوای گەیشتنی وەفدی ھەرێم بۆ بەغداد،چەند تیمێکی جیاجیا دروستکراوە بۆ رێککەوتن لەسەر میکانیزمی جێبەجێکردنی یاسای بودجەی گشتی، لەو چوارچێوەیەشدا یەکەمین کۆبونەوە لە نێوان وەفدی ھەرێم و وەزیری دارایی عێراق بەڕێوەچوو بۆ چۆنیەتی جێبەجێکردنی یاسای بودجە و دابینکردنی شایستە داراییەکانی ھەرێم.
وتیشی، ھەردوو وەزارەت پابەندبوونی خۆیان بە جێبەجێکردنی یاسای بودجە راگەیاندوەو بڕیارە کۆبوونەوەیەکی تریش بکرێت و راپۆرتێکی ھاوبەش لەسەر دۆسیەی نەوت ئامادە بکرێت و رادەستی وەزارەتی دارایی عێراق بکرێت.
خالید شوان راشیگەیاند، رۆژی سێ شەممەش لەگەڵ وەزارەتی نەوت و سەرۆک وەزیرانی عێراقیش کۆدەبنەوە، جەختی لەوەشکردەوە بەردەوام دەبن لە کۆبونەوەکان.