حزبوڵای لوبنان لە ڕاگەیاندراوێكدا ئاماژە بەوەداوە، بەرەبەیانی ئەمڕۆ، چەكدارەكانیان بەرپەرچی هێرشێكی  هێزێكی پیادەی ئیسرائیلیان داوەتەوە كە هەوڵیداوە بچێتە ناو شارۆچكەی عەدیسەی سەربە پارێزگای نەبتییە باشوری لوبنان.


ڕاشیگەیاندووە، لەكاتی بەرپەرچدانەوەكەدا، روبەڕوبوونەوە و پێكدادان لەنێوان چەكدارانی حزبوڵا و هێزەكەی سوپای ئیسرائیل ڕوویداوە.


باسی لەوەشكردووە، لە میانی پێكدادانەكەدا، زیانیان بە هێزەكەی ئیسرائیل گەیاندووە، هەروەها ناچاری كردوون پاشەكشە بكات.


هاوكات سوپای ئیسرائیل لە راگەیەنراوێكدا رایگەیاند، ئەمڕۆ یەكەم سەربازی سوپاكەیان لەكاتی روبەرووبوونەوەی چەكدارانی حزبوڵا كوژراوە.


ئەوەش بۆ یەكەمجارە لەباشوری لوبنان روبەڕوبوونەوە لەنێوان حزبوڵا و سوپای ئیسرائیل ڕووبدات، ئەوەش لەدوای ئەوەی كە رۆژی سێشەممە ئیسرائیل دەستپێكردنی هێرشی زەمینی بۆ سەر باشوری لوبنان ڕاگەیاند.