بەهۆی بۆردومانەكانی ئیسرائیلەوە لە ٢٤ سەعاتی رابردوودا ٩٥ كەس كوژراون
شنیار
١ی تشرینی یەکەمی ٢٠٢٤
٤
وەزارەتی تەندروستی لوبنان لە راگەیەندراوێكدا ئاماژەی بەوەكردووە، بەهۆی بۆردومانەكانی ئیسرائیل بۆ سەر ناوچە جیاوازەكانی لوبنان، لە 24 سەعاتدا ٩٥ كەس كوژراون و ١٧٢ كەسیش برینداربوون.
نەجیب میقاتی سەرۆكی حكومەتی كاربەڕێكەری لوبنانیش لە كۆبوونەوەیەكی لەگەڵ نوێنەرانی نەتەوە یەكگرتووەكان رایگەیاند، وڵاتەكەی روبەروی یەكێك لە مەترسیدارترین وێزگەكان دەبێتەوە لە مێژوویدا و ئاشكراشیكردووە بەهۆی ئەو جەنگە وێرانكەرەی ئیسرائیل هەڵیگیرساندوە تائێستا یەك ملیۆن لوبنانی ئاوارە بوون.
نوێنەرانی نەتەوە یەكگرتوەكانیش رایانگەیاندووە، لەنێو ئاوارەكانی لوبناندا زیاتر لە ٣٠٠ هەزار منداڵ هەن.