تۆمارێكی دەنگی لە تۆڕە كۆمەڵایەتیەكاندا كە دوای وەرگرتنی بەرتیل لە سەرمایەدارێك دەكات.

میدیا عیراقیەكان تۆمارێكی دەنگی كەریم فەیسەڵ راوێژكاری وەبەرهێنانی محەمەد شیاع سودانیان بڵاوكردووەتەوە كە قسە لەگەڵ سەرمایەدارێكدا دەكات و داوای یەك ملیۆن دۆلاری لێدەكات وەك بەرتیل لەبەرامبەر پێدانی پڕۆژەیەكی وەبەرهێنان.

هەروەها لە تۆمارە دەنگیەكەدا راوێژكارەكە بە سەرمایەدارەكە دەڵێت، كە پڕۆژەیەكی وەبەرهێنان بهێنێت و ئەویش پێشكەشی سودانی دەكات و رازیدەكات كە بدرێت بە ئەو كەسە.
هاوكات میدیا عیراقیەكان دەڵێن، سودانی ئەو كەسەی لەسەر پۆستەكەی دوورخستووەتەوە و داواكاری گشتیش داوای لێكۆڵینەوەی لە تۆمارە دەنگییەكە كردووە.

لە مانگی رابردووشدا تۆمارێكی دەنگی بەڕێوەبەری گشتی دەستەی باج بڵاوبووەوە، سودانیش داوای لێكۆڵینەوەی كرد و دواتر وەزارەتی دارایی ئەو كەسەی بۆ ماوەی دوو مانگ لە پۆستەكەی دوورخستەوە تا یەكلابوونەوەی دۆسیەكەی.

وەزیری دەرەوەی عیراق رایگەیاند، ئێران بەڕەسمی بەڵێنی پێداون كە بۆ وەڵامی هێرشەكەی ئیسرائیل، ئاسمانی عێراق بەكارناهێنێت.

فوئاد حسێن وەزیری دەرەوەی عیراق رایگەیاند، ئیسرائیل ئاسمانی وڵاتەكەی بۆ هێرشكردنە سەر ئێران بەكارهێنا، بەڵام ئێران بەڕەسمی پێی راگەیاندون بۆ وەڵامی هێرشی ئیسرائیل ئاسمانی عێراق بەكارناهێنن.

دەشڵێت، ئەگەری سەرهەڵدانی جەنگێكی فراوان لە ناوچەكە لە ئارادایە و دەبێت عێراق سیاسەتی دەرەوەی ئاشكرا و دیاریكراو بێت.

وتیشی، ئەمریكا رۆڵێكی كاریگەری بینیوە لە رێگریكردن لە ئیسرائیل تا هێرشنەكاتە سەر بارەگا و پێگەی گروپە چەكدارەكان لە عێراق.

پۆلیسی بەریتانیا قاچاخچییەكی كوردی دەستگركرد كە سەدان كۆچبەری نایاسایی بە قاچاخ و لەڕێی بەلەمی بچوكەوە گواستووەتەوە بۆ بەریتانیا و دانی بە تاوانەكەشیدا ناوە.

سایتی سكای نیوزی بەریتانی بڵاویكردەوە، ئامانج حەسەن زاد لە شارۆچكەی پریستن دەستگیركراوە كە لە تۆڕە كۆمەڵایەتییەكاندا ڤیدیۆی بڵاوبووەتەوە و ستایشی دەكەن بە باشترین قاچاخچیی و تەقەی خۆشی دەكات.

دەشڵێت، حەسەن زادە لەلایەن ئاژانسی نیشتمانی تاوانەوە لێكۆڵینەوەی لەگەڵدا كراوە و لەمانگی تشرینی دووەم و كانوونی یەكەمی ٢٠٢٣ چەند جارێك و بە سەدان كۆچبەری كوردی لەڕێی بەلەمی بچوكەوە لە فەڕەنساوە بۆ ناو بەریتانیا گواستووەتەوە.

راشیگەیاند، ئەو قاچاخچییە كوردە لەگەڵ چەند گروپێك كاریكردووە كە كۆچبەری نایاساییان لە ئەوروپاوە كۆكردووەتەوە و رەوانەی بەریتانیایان كردوون، كە دوای دەستگیركردنی و دادگاییكردنی ناوبراو دانی بە تاوانەكەیدا ناوە.