٢ی تشرینی دووەمی ٢٠٢١
٤٧٧
وەزارەتی ئیتلاعاتی ئێران لە ڕاگەیەندراوێکدا بڵاویکردەوە، ھێزەکانیان لە مانگی ئاداری ئەمساڵەوە تاوەکو ئەیلول، ٧٨ باندی قاچاخچی چەک و کەلوپەلی سەربازییان لە ناوخۆی ئێران لەناو بردووە.
ئاماژەی بەوەشکردووە، لە ھەڵمەتەکانیاندا، دوو ھەزار و ١٧٠ چەکی جۆراوجۆر دەستی بەسەردا گیراوە و ٢٠١ کەسیش دەستگیر کراون و ڕووبەڕووی دادگا کراونەتەوە.
نوێترین هەواڵەکاندەزگای ئاسایشی نیشتیمانی عیراق رایگەیاند، تۆمەتبارێکیان دەستگیرکردووە کە ١٥٠ ژنی لە رووی ماددی و جەستەییەوە فریوداوە.
دەزگای ئاسایشی نیشتیمانی عیراق لە راگەیەنراوێکدا ئاماژەی بەوەکردووە، بە پشتن بە زانیاری ورد لە قەزای زوبێر لە پارێزگای بەسرە تۆمەتبارێک دەستگیرکرا کە خۆی بە کەسێکی رۆحانی ناوبردووە و ھەستاوە بە فریودانی ١٥٠ ژن و پارەی لێوەرگرتوون و دواتریش کاری بەد رەوشتی لەگەڵ ئەنجام داون.
دەشڵێت، تۆمەتبارەکە ٥٠٠ ھەزار تاوەکو یەک ملیۆن دیناری لە ھەر یەکێک لەو ژنانە وەرگرتووە و دانی بە تاوانەکەیدا ناوە، لە ئێستاشدا بەپێی یاسا مامەڵەی لەگەڵدا دەکرێت.
لە فەرەنسا کۆبونەوەیەکی فراوانی وڵاتان بە بەشداری عیراق بەڕێوەدەچێت و نزیکەی یەک ملیار دۆلار بۆ لوبنان کۆدەکرێتەوە.
فوئاد حسێن وەزیری دەرەوەی عیراق رایگەیاند، بە ئامانجی دابینکردنی پێداویستی لوبنان و ھاووڵاتیانی ئەو وڵاتە و پشتیوانی دام و دەزگاکان و سەقامگیری ناوخۆیی ئەو کۆبونەوەیەک لە فەرەنسا ئەنجام دەدرێت.
وتیشی، عیراق نیگەرانە لە فراوانبونی ئاڵۆزی شەڕی لوبنان و بەغداد ھەوڵدەدات لە رێگەی پەیوەندیە دیپلۆماسیەکانیەوە شەر لە لوبنان و غەززە رابگرێت.
وتیشی، پێویستە شەر رابگیرێت و ئاوارەکانی لوبنان بگەڕێنەوە شوێنی نیشتەجێبونی خۆیان.
لە رۆژی پێنجشەممەوە لە پاریس کۆنگرەیەک بەڕێوە دەچێت و ھەوڵی ئەوە دەدرێت ٨٠٠ ملیۆن دۆلار بۆ ھاوکاری مرۆیی و ٢٠٠ ملیۆن دۆلار بۆ ھاوکاری سەربازی کۆبکرێتەوە و پێشکەشی لوبنان بکرێت.
بانکی تانجەرۆ لە سلێمانی ئاگاداری خانەنشینان و خاوەن پێداویستی تایبەت دەکاتەوە کە بۆ تۆماری بایۆمەتری رۆژانی ھەینی و شەممە بانکەکەیان کراوەیە.
بانکی تانجەرۆ لە راگەیەنراوێکدا ئاماژەی بەوەکردووە، کە ئەمڕۆ ھەینی و سبەی شەممە دەرگایان کراوەیە بۆ دروستکردنی بایۆمەتری بۆ خانەنشینان و کەمئەندامان و کەسانی خاوەن پێداویستی تایبەت.
دەشڵێت، سەبارەت بە مامۆستایانی گرێبەستیش لەبەرئەوەی بڕیاری تۆماری بایۆمەتریان بۆ دەرنەچووە با لە ئێستادا سەردانیان نەکەن.
مانگی ئابی ئەمساڵ دوای کۆبونەوەی ئەنجومەنی ئابوری عیراق و ھەرێم، حکومەتی عیراق تا کۆتایی ئەمساڵ مۆڵەتی بە حکومەتی ھەرێمدا بۆ چارەسەرکردنی کێشەی ئەو موچەخۆرانەی تۆماری بایۆمەتریان نییە.
ھەفتەی رابردووش وەزارەتی دارایی و ئابوری ھەرێم رایگەیاند، لە دوو مانگی رابردودا زیاتر لە ١٠٥ ھەزار مووچەخۆر بایۆمەتریان کردووە و ٧٥٪ی کێشەی بایۆمەتری مووچەخۆران و فەرمانبەران چارەسەر کراوە.
زۆرترین بینراووەزارەتی تەندروستی ھەرێم رایگەیاند، لەماوەی ٢٤ سەعاتی رابردوو بەھۆی ڤایرۆسی کۆۆنا ژمارەیەکی زۆری مردن و بۆیەکەمین جار بەرزترین رێژەی توشبوون لە سەرەتای سەرھەڵدانی کۆرۆنا تا ئێستا لەکوردستان تۆمارکرا.
راشیگەیاند، بەھۆی ھەڵسوکەوت و بێباکی ئێستا بەرامبەر کۆرۆنا کارەساتی دڵتەزێن بەڕێوەیە.
ئەو سەرچاوەیەی وەزارەتی دارایی و ئابوری حکومەتی ھەرێمی کوردستان بە کوردسات نیوزی راگەیاند، ئەم مانگە بەھۆی ئەوەی وادەی دابەشکردنی مووچە دەکەوێتە رۆژی ھەینی لە رۆژی یەک شەممەوە دەست بەدابەشکردنی مووچە دەکرێت و لە وادەیەکی کەمدا مووچەی سەرجەم وەزارەتەکان دابەشدەکرێت.
ھاوکات سەرچاوەیەکی دیکەی وەزارەتی دارایی جەختی لەوەکردەوە، بۆ ئەم مانگەش ھاوشێوەی مانگەکانی پێشوو مووچە بە لێبڕینی ٢١% بۆ فەرمانبەران و ٥٠% پلە تایبەتەکان دابەشدەکرێت.
سەرچاوەیەک بە کوردسات نیوزی راگەیاند، پارەی پێویست بۆ دابەشکردنی مووچەی مانگی ٥ی فەرمانبەرانی ھەرێم گەیشتووە و ئەو کێشەیەی دروست ببوو چارەسەر کراوە.
سەرچاوەکە راشیگەیاند، ھەفتەی داھاتوو مووچەی سەرجەم وەزارەتەکان دابەش دەکرێت.
دوێنێ مووچەی وەزارەتی تەندروستی و ئەمڕۆ مووچەی دیوانی وەزارەتی پێشمەرگە و لیواکان دابەشکرا و رۆژی یەکشەممەی داھاتووش مووچەی یەکەکانی ٧٠ و ٨٠ و وەزارەتی دارایی و ئابوری دابەش دەکرێت، دواتریش مووچەی سەرجەم وەزارەتەکانی تر خەرج دەکرێت.
