مافی پەرلەمانتاری بە عومەر گەرگەرلیئۆغڵو بەخشرایەوە
کوردسات نیوز
١٦ی تەمووزی ٢٠٢١
١٬٤٢٢
بەمەبەستی گەڕانەوەی گەرگەرلیئۆغڵو بۆ کاری پەرلەمانتاری، لە ئەنجومەنی گشتی پەرلەمانی تورکیا بڕیاری دادگا خوێندرایەوە و دوای ئەوەش چووە ناو باڵەخانەی پەرلەمان و وەک پەرلەمانتار دەست بەکاردەبێتەوە.
گەرگەرلیئۆغڵو لە تویتەر نووسیویەتی، کەس ناتوانێت مافێک زەوت بکات کە گەل بەخشیویەتی و ئەوەی سەردەکەوێت ئیرادەی گەلە.
گەرگەرلیئۆغڵو ٢١ی شوباتی ٢٠١٨ بە تۆمەتی بانگەشەکردن بۆ پەکەکە سزای زیندانیکردنی بۆ دەرکرا و دادگای باڵاش بڕیاری ٢ ساڵ و ٦ مانگ زیندانیکردنی پەسندکرد.
١٧ی ئازاری ئەمساڵیش دوای خوێندنەوەی بڕیاری دادگا لە ناو پەرلەمانی تورکیا، پارێزبەندی لەسەر ھەڵگیرا و مافی پەرلەمانتاری لێ سەندرایەوە، لەچەند رۆژی رابردووشدا لەلایەن دادگاوە تۆمەتەکانی ھەڵوەشێنرایەوە و ئازادکرا.