سەرۆکی ھەرێمی کوردستان ھیوای خواست خوای مەزن گیانی خوالێخۆشبوو بە بەزەیی و میھرەبانیی خۆی شاد بکات و ئارامی و دڵنەوایی بە خۆی و خانەوادە و کەسوکاری بەرێزیان ببەخشێت.

لای خۆیەوە د. فوئاد مەعسوم، سوپاس و پێزانیی خۆی و خانەوادە بەرێزەکەیانی بۆ سەرۆکی ھەرێمی کوردستان و پەیوەندی و ھاوبەشی لە خەمیاندا،دەربڕی.

دەقی پرسەنامەکەی کۆسرەت رەسول عەلی... 

برای بەڕێزو خۆشەویستم کاک دکتۆر فوئاد مەعسوم- ئەندامی دەستەی دامەزرێنەری یەکێتی و سەرۆک کۆماری پێشووتری عێراق.

بەداخێکی زۆرەوە ھەواڵی کۆچی دوایی خاتوو (رووناک عەبدولواحید)ی ھاوسەری جەنابتانم بیست، دڵگران و خەمباری کردم، پرسەو سەرەخۆشی و ھاوخەمی خۆم ئاراستەی جەنابت و خانەوادە تێکۆشەرو کۆڵنەدەرەکەتان دەکەم، ھیواخوازم ئەمە دواکۆست و ناخۆشیتان بێت، خوای گەورە سەبووری ھەموو لایەک بدات و کۆچکردوو جێگای بەھەشتی بەرین بێت.

کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

دەقی پەیامەکە...

ھەڤاڵ دکتۆر فوئاد مەعسوم ئەندامی دەستەی دامەزرێنەری یەکێتیی نیشتمانیی کوردستان و سەرۆک کۆماری پێشووتری عێراق.

 ھەواڵی کۆچی دوایی خاتوو (رووناک عەبدولواحیدی ) ھاوسەری بەڕێزتان و خانمی یەکەمی پێشووتری عیراق دڵگرانی کردین و ھاوبەشی خەم و پەژارەتانین.

بۆ ئەم خەمەتان لەیەزدانی مەزن داواکارین  سەبوری بە بەڕێزتان و تەواوی خانەوادە  تێکۆشەرەکەتان ببەخشێت و کۆچکردو بە بەھەشتی بەرین شاد بکات 

انا للە وانا الیە راجعون 

مەکتەبی سیاسی
یەکێتیی نیشتمانیی کوردستان

دەقی پرسەنامەکە...

بەرێز جەنابی سەرۆک کۆماری پێشووی عێراق و تێکۆشەرو خەباتکاری گەلی کورد بەرێز د.فوئاد مەعسووم

بەڕێزان/ خێزان و خانەوادەی کۆچکردوو خاتوو (رووناک عەبدولواحید) 

ھەواڵی کۆچی دوایی خاتوو (رووناک عەبدولواحید)، لە ناخەوە خەمبارو نیگەرانیکردین. 

لەم بۆنە خەمناکەدا، پرسەو سەرەخۆشی خۆمان ئاراستەی برای بەرێزمان و تێکۆشەرو ئەندامی دەستەی دامەزرێنەری (ی.ن.ک) د. فوئاد مەعسووم دەکەین.

خاتوو رووناک لە بنەماڵەیەکی شۆرشگێرو خەباتکاری کوردستان بووە، لە ژیانی خۆی لە سەختی رۆژگارەکانی خەباتدا؛ ھاوبەشی راستەقینەی رێگەی خەبات و تێکۆشانی رەوای شۆرشی نوێی گەلەکەمان بووە.

 شان بەشانی تێکۆشەری کوردایەتی برای بەرێزمان د.فوئاد مەعسووم بەشداری راستەقینەی خەبات و تێکۆشان بووە. لەگشت وێستگەکانی خەباتی شاخ و تاراوگەو دوای رووخانی رژێمی بەعس و تاگەیشتن بەسەردەمی نوێی بونیادنانەوەی عێراقی نوێی فیدراڵ؛ ھاوەڵێکی دڵسۆزی بەرێز د.فوئاد مەعسووم بووە.

 ئەم خانمە تێکۆشەرە لە ژیانی خۆیدا سەلماندی کە ژنی کورد لە ھەربارێکی ژیانی سەختی کوردایەتیدا؛ خاوەن پێگەو رۆڵی راستەقینەیە. 

بۆ ئەم کۆچە پرسەو سەرەخۆشی خۆمان؛ لەتەواوی خێزان و خانەوادە تێکۆشەرەکەتان دەکەین، و ھاوبەشی خەم پەژارەتانین و لەخودای گەورە داوادەکەین کە کۆچکردوو خاتوو رووناک بە بەھەشتی بەرینی خۆی بسپێرێت.

انا للە و انا الیە راجعون 

باڵیۆز د.محمد سابیر
سەرۆکی دامەزراوەی سەرۆک جەلال تاڵەبانی

جون ھاریس سەرۆکی جێبەجێکاری کۆمپانیای گەڵف کیستۆن بڵاویکردەوە، حکومەتی ھەرێم لە کاتی گونجاودا پێدانی شایستە داراییەکانی فڕۆشی نەوت دەستپێدەکاتەوە، تا ئێستاش پێیانوایە راگرتنی ھەناردەی نەوتی ھەرێم کاتییە، ئەگەرچی ھیچ وادەیەک بۆ دەستپێکردنەوەی رانەگەیەندراوە.

جون ھاریس وتیشی، بەشێکی بەرھەمھێنانیان لە کێڵگەی شێخان دەستپێکردووەتەوە و تا ئێستا دانوستانەکان لەنێوان حکومەتی ھەرێم و عێراق و لێپرسراوانی تورکیا بۆ دەستپێکردنەوەی ھەناردەی نەوت بەردەوامە. راشیگەیاند، شایستەی دارایی مانگی تشرینی یەکەمی ساڵی ٢٠٢٢ تا ئاداری ٢٠٢٣ لەلای حکومەتی ھەرێمە، کە بڕەکەی ١٥١ ملیۆن دۆلارە.

ئاماژەی بەوەشکرد، لە ١٩ی تەمموزەوە تا ٣١ی تەمموز، رۆژانە چوار ھەزار و ٩٠٠ بەرمیلیان فرۆشتووە و لە مانگی ئابیشەوە فرۆشی رۆژانە ١١ ھەزار و ٧٠٠ بەرمیل نەوت بووە، بەپێی رێککەوتنی ھاوبەشیش پارەکەیان پێشەکی وەرگرتووە.

ھەروەھا رەزامەندیدان لەسەر یاسای بودجە پێشکەوتنێکی باش دەبێت بۆ داڕشتنی چوارچێوەیەک بۆ بەرھەمھێنانی نەوتی ھەرێم لەبەرامبەر ناردنی بەشە بودجە.

لە نوسراوێکدا کە ئیمزای ئالان حەمەسەعید وەزیری پەروەردەی ھەرێمی لەسەرە و رۆژی ٩ـی ئاب دەرچووە و ئاڕاستەی بەڕێوەبەرایەتییە گشتییەکانی پەروەردەی پارێزگا و ئیدارە سەربەخۆکان کراوە تیایدا ئاماژەی بەوەکراوە، ھەرکاتێک مامۆستایەکی وانەبێژی دانەمەزراو، وانەی پێویستی نابێت بۆ ئەوەی لە خوێندنگاکەیدا بیڵێتەوە، نابێت خوێندنگاکەی پێیان بڵێت کە کاریان تەواوبووە.

ئەوەشی خستووەتەڕوو، ئەو مامۆستایانەی کە وانەی پێویستییان نییە دەبێت خوێندنگاکە نوسراوێک بۆ پەروەردەی قەزاکەی بکات و تیایدا وردەکاری بڕوانامە و ساڵانی خزمەتی مامۆستاکە بخاتەڕو، تا  پەروەردەی قەزاکە بۆ پڕکردنەوەی بۆشایی لە خوێندنگاکانی دیکە سود لە بوونی ئەو مامۆستایە وەربگرن.

وەزیری پەروەردە دەشڵێت، بەھۆی دەستبەکاربوونی ژمارەیەک مامۆستا وەک سەرپەرشتیار و بوونی ژمارەیەکی بەرچاو مامۆستا کە مۆڵەتی دایکایەتی و بێ موچەیان کردووە، پێویستیان بە مامۆستایانی وانەبێژ ھەیە و تا ٤ی مانگی داھاتووش سەرجەمیان شوێنەکانیان یەکلایی دەکرێتەوە.

وەزارەتی پێشمەرگە لە راگەیەنراوێکدا ئاماژەی بەوەکردووە، لیواکانی ٢٦، ٢٨، ٣٠ـی سەر بە فەرماندەیی ھێزەکانی (٧٠) خراونەتەسەر میلاکی وەزارەتی پێشمەرگە و لە رۆژی دەرچوونی فەرمانی گواسنتەوەیان، فەرمانەکە دەچێتە بواری جێبەجێکردنەوە.

ئەوەشی خستووەتەڕوو، پرۆسەی چاکسازیی و یەکخستنەوەی ھێزەکانی پێشمەرگە لە چوارچێوەی وەزارەتی پێشمەرگە، یەکێکە لە ئامانجە سەرەکییەکانی حکومەتی ھەرێم و بەردەوام لەلایەن سەرۆکایەتیەکانی ھەرێم و بەرپرسانی وەزارەتی پێشمەرگە جەختی لەسەر دەکرێتەوە.

ئەوەش لە کاتێکدایە کە رۆژی چوارشەممە قوباد تاڵەبانی جێگری سەرۆکی حکومەتی ھەرێم لە کۆبوونەوەیدا لەگەڵ ئەمینداری گشتی وەزارەتی پێشمەرگە رایگەیاند، لەم قۆناغەدا چاکسازی لە وەزارەتی پێشمەرگە گرنگترینە و دواخستنیشی مەترسیدارە بۆ ھەرێم، ئەگەر وەزارەتی پێشمەرگەش وەک خۆی بمێنێتەوە و ھێزێکی پیشەیی نیشتمانی بەدوور لە دەستێوەران دروستنەکەین، ھەردەم مەترسی ھەیە بگەڕێینەوە بۆ خاڵی سفر.

دەقی پرسەنامەکە...

ھەڤاڵ ئەمین بابە شێخ، ئەندامی مەکتەبی سیاسی

‎بەداخێکی زۆرەوە ھەواڵی کۆچی دوایی (خەیری بابە شێخ) برای بەڕێزتانم پێگەیشت.

‎بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی ئێوە و بنەماڵە سەربەرزەکەتان دەکەم کە رۆڵێکی بەرچاوتان لە بزووتنەوەی رزگاریخوازی گەلەکەماندا گێڕاوە.

‎لەخوای گەورە داواکارم کۆچکردوو بە بەھەشتی بەرین شاد بکات و سەبووری بەھەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

ئاسۆ کەمال بەرێوەبەری کەشناسی و بوومەلەرزەزانی سلێمانی بە کوردساتی راگەیاند، ئەو شەپۆلە گەرمایەی رووی لە ھەرێمی کوردستان کردووە بەردەوامی دەبێت، بەھۆی کاریگەری نزمەپاڵەپەستۆی ساڵانەوە، بۆ ئەمڕۆ و سبەینێ و ھەفتەی داھاتووش پلەکانی گەرما ھەر بە بەرزی دەمێننەوە و ھەفتەی داھاتوو ھەفتەیەکی گەرم بەرێدەکەین.

ئاماژەی بەوەشکرد، بەرزترین پلەکانی گەرما لە ناوچەکانی گەرمیان تۆمارکراون، کە لە خانەقین ٥١ پلە و لە کەلار و مەیدان ٤٩ پلە و پارێزگای کەرکوکیش ٤٩ پلە تۆمارکراون، لە رۆژانی داھاتووش ھەر بەبەرزی دەمێننەوە.

ئاشکراشیکرد، حەڵەتێکی سروشتی و ئاساییە لەم مانگەدا پلەکانی گەرما بەرزببنەوە، چونکە مانگی ئاب یەکێکە لە مانگە گەرمەکانی نیوە گۆی باکور.

کۆمپانیای دانەغاز لە راگەیەنراوێکدا ئاماژەی بەوەکردووە، لەنیوەی یەکەمی ئەمساڵدا قازانجی کۆمپانیاکەیان بەڕێژەی ٢٥% کەمیکردووە و بۆ ٨٣ ملیۆن دۆلار دابەزیووە، لەکاتێکدا لە نیوەی یەکەمی ساڵی رابردوو١١١ ملیۆن دۆلار بووە، پاشەکشەش لە دەرئەنجامی دابەزینی نرخی نەوت و ئەو داکشاندنە زیادەیە بووە کە لە فرۆشتنی غازی ھەرێم کردوویانە، بەجۆرێک کۆمپانیاکە دەستیکردووە بە فرۆشتنی غازی کۆندێنسەیت بە لایەنە ناحکومییەکان لەکاتێکدا کۆمپانیاکانی دیکەی نەوت کە لە ھەرێم کاردەکەن بەرھەمھێنانی نەوتیان راگرتووە.

راشیگەیاندووە، ئاستی بەرھەمھێنانی کۆمپانیاکە لە ھەرێم بەرێژەی ٦% بەرزبووەتەوە و گەیشتووەتە ٣٦ ھەزار و ٤٠٠ بەرمیل نەوت، پێشبینیشدەکات لە نیوەی دووەمی ساڵی ٢٠٢٤ پڕۆژەی کۆرمۆر ٢٥٠ تەواو ببێت کە بە تەوابوونیشی ٢٥٠ ملیۆن پێ سێجای رۆژانە بۆ تێکڕای بەرھەمی وێستگەکە زیاد بکات و بگاتە ٧٥٠ ملیۆن پێ سێجا لە رۆژێکدا.

کۆمپانیای دانەغاز ئاماژەی بەوەشکردووە، لەم دواییانەدا کۆمپانیای بیرڵ پترۆلیۆم ١٠١ ملیۆن دۆلاری شایستە داراییەکانی لە حکومەتی ھەرێم وەرگرتووە، ھەروەھا گفتوگۆ لەگەڵ حکومەتی ھەرێم کراوە بۆ پاکتاوکردنی سەرجەم شایستە داراییە نەدراوەکان لە زووترین کاتدا.

پیردیان جەعفەر، بەڕێوەبەری نوسینگەی کۆچ و کۆچبەران و وەڵامدانەوەی قەیرانەکان لە پارێزگای دھۆک رایگەیاند، لە سەرەتای ئەمساڵەوە تائێستا، ٨٠٠ خێزانی ئاوارەی ئێزدی کە لە چوار ھەزار کەس پێکدێن، گەڕاونەتەوە شنگال و ناوچەکانی دەوروبەری. 

پێشتریش "ئیڤان فایەق" وەزیری کۆچ و کۆچبەرانی عێراق رایگەیاندبوو، ١٠٠ ئاوارەی ئێزدی لە کەمپەکانی پارێزگای دھۆکەوە گەڕاونەتەوە زێدی خۆیان لە شنگال.

بە وتەی "ئیڤان فایەق"، گەڕانەوەی ئەو ئاوارانە لە چوارچێوەی ھەوڵەکانی حکومەتی عێراقدایە بۆ کۆتاییھێنان بە دۆسیەی ئاوارەکان، بە ھەماھەنگی لەگەڵ رێکخراوی کۆچی نێودەوڵەتی. 

بەپێی ئامارەکان، زیاتر لە ٦٦٤ ھەزار ئاوارە لە ھەرێمی کوردستان دەژین، ٤٩٠ ھەزاریان لە دەرەوەی کەمپەکان و زیاتر لە ١٧٤ ھەزاریان لە ٢٥ کەمپدان. 

لە کۆبوونەوەکەدا دۆخی گشتیی ھەرێمی کوردستان و کێشەکانی نێوان ھەولێر و بەغداد گفتوگۆی لەبارەوەکرا و جەخت لە بەردەوامیی گفتوگۆکان و لێکتێگەیشتنی نێوان ھەموو لایەنەکان کرایەوە بەشێوەیەک یەکڕیزیی نێوماڵی کورد پارێزراوبێت و ھەمووان لەپێناو بەدیھێنانی بەرژەوەندییە باڵاکاندا ھەنگاوبنێن.

‏‎لەدرێژەی کۆبوونەوەکەدا دابینکردنی شایستەداراییەکانی ھەرێم و پاراستنی مافی مووچەخۆران جەختیلێکرایەوە و ھەردوولا ھاوڕابوون لەسەر بنەمای دەستوور و یاسای بودجە مافەکانی ھەرێم پارێزراوبێت.

‏‎دۆخی ئەمنیی ھەرێم و چارەسەرکردنی کێشەکان تەوەرێکیتری کۆبوونەوەکە بوو و بڕیاردرا ھەنگاوی جدی و کردەیی بە ئاڕاستەی زاڵبوون بەسەر کێشەکاندا بنرێت و پارێزگاریی لە سەقامگیریی سیاسی، ئەمنی و کۆمەڵایەتی بکرێت.

‏‎سەرۆک بافڵ جەلال تاڵەبانی پەرۆشیی یەکێتی بۆ کۆتاییھێنان بەو کێشانەی دروستکراون دووپاتکردەوە و رایگەیاند، بەردەوامیی گفتوگۆی بونیادنەرانە و کاری پێکەوەیی لەپێناو بەدیھێنانی ئامانجە باڵاکاندا رێگە راستەکەی سیاسەتە و ھیوادارم پێکەوە دوور لە چەسپاندنی ئیرادە و سڕینەوەی یەکتر خەبات بۆ خاک و خەڵکەکەمان بکەین.

وەزارەتی ئاوەدانکردنەوە و نیشتەجێکردنی حکومەتی ھەرێم لە راگەیەندراوێکدا ئاماژەی بەوەکردووە، ئەمڕۆ دانا عەبدولکەریم وەزیری ئاوەدانکردنەوە و نیشتەجێکردن، پڕۆسەی دابەشکردنی فۆڕمی یەکەی نیشتەجێبون و کاراکردنی فۆڕمەکە بەشێوەی ئۆنلاین و وردەکاری پڕۆسەکە، بۆ کەمدەرامەت و  کرێنشینان رادەگەیەنێت.

ھاوکات، مەریوان حەسەن وتەبێژی وەزارەتی ئاوەدانکردنەوە و نیشتەجێکردنی ھەرێم بە کوردسات نیوزی راگەیاند، وەزیری ئاوەدانکردنەوە مەرجەکانی پڕکردنەوەی فۆڕمەکە بڵاودەکاتەوە بۆ نزیکەی ١٠ ھەزار یەکەی نیشتەجێبوون بۆ کەمدەرامەتان و کرێنشینان کە لە ناوچە جیاجیاکانی ھەرێم دروستکراون، وتیشی، ئەو فۆڕمە بەشێوەی ئۆنلاین بۆ ئەو یەکەی نیشتەجێبووانە رادەگەیەنرێت.

دەقی پەیامەکەی قوباد تاڵەبانی: 

بەڕێز محەمەدی حاجی مەحمود
سکرتێری گشتیی پارتی سۆسیال دیموکراتی کوردستان

بە بۆنەی یادی چل و حەوت ساڵەی دامەزراندنی پارتی سۆسیال دیموکراتی کوردستان، گەرمترین پیرۆزبایی ئاراستەی بەڕێزتان و سەرکردایەتی و سەرجەم ئەندامان و لایەنگرانی پارتەکەتان دەکەین و ھیوای سەرکەوتنتان بۆ دەخوازین.

لەم یادەدا ڕێز دەگرین لە خەبات و قوربانیدانی پارتەکەتان و بە تایبەتیش رۆڵی پارتی سۆسیال دیموکراتی کوردستان لە بزووتنەوەی رزگاریخوازانەی گەلی کورد لە سەردەمی رژێمی بەعس بەرز دەنرخێنین. 

بۆ ئەم قۆناغەش جەخت دەکەینەوە لەسەر پێویستیی تەبایی و پێکەوەکارکردنی سەرجەم ھێزە سیاسییەکانی کوردستان لەپێناو داکۆکیکردن و دابینکردنی مافە دەستورییەکانی گەلەکەمان و لەم چوارچێوەیەشدا ھەماھەنگی و پێکەوەکارکردنی زیاتر لەنێوان یەکێتیی نیشتمانیی کوردستان و پارتی سۆسیال دیموکراتی کوردستان بە پێویست دەزانین.

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

دەقی پەیامەکەی کۆسرەت رەسوڵ:

برای بەڕێزم کاک محەمەدی حاجی مەحمود- سەرۆکی پارتی سۆسیال دیموکراتی کوردستان

بەبۆنەی چل و حەوتەمین ساڵەی دامەزراندنی حزبەکەتان، پیرۆزبایی خۆم ئاراستەی جەنابت و ھەڤاڵانی سەرکردایەتی و ئەندام و لایەنگرانتان دەکەم، دەخوازم ھەمیشە لە پێشکەوتن و سەرکەوتنی بەردەوامدا بن.

پارتی سۆسیال دیموکراتی کوردستان لەمێژووی بزووتنەوەی رزگاریخوازی گەلی کوردستان رۆڵێکی دیارو کارای ھەبووە، لە خەباتی شاخ و شار خەباتی کردووە لەپێناو میللەتەکەمان، ھێزێکی کاریگەرەو خاوەن مێژوویەکی پڕ سەروەرییە.

وێڕای دووبارە پیرۆزباییم لێتان ئومێد دەکەم ئەم یادە بکەینە ھەوێنی یەکڕیزی و تەبایی نێوان لایەنەکان و ھەمووان ھەوڵ بدەن بۆ چارەسەری بنەڕەتی کێشەکان و پێشکەشکردنی باشترین خزمەتگوزاری بە میللەتەکەمان.


کۆسرەت رەسول عەلی
سەرۆکی ئەنجومەنی باڵای سیاسی و بەرژەوەندی
یەکێتیی نیشتمانیی کوردستان

شارەوانی سلێمانی رایگەیاند، ئەمڕۆ دوا ڕۆژی کارکردن بوو لە قۆناغی دووەمی جێبەجێکردنی پڕۆژەی یەکتربڕی نزیک باخی بەختیاری، شەقامەکە بە ئاڕاستەی ڕۆشتن و ھاتن بەڕووی شۆفێراندا کرایەوە.

ئاماژەی بۆ ئەوەشکردووە، دوای کردنەوەی شەقامەکە دەست دەکرێت بە قۆناغی سێیەمی جێبەجێکردنی پڕۆژەکە کە پێکھاتووە لە جێبەجێکردنی بڕگەکانی ناوەوەی ئەندەرپاسەکان و شەقامی لادان، لەگەڵ بەشێک لە شەقامی ھەواری زانکۆ و شەقامی قلیاسان.

پڕۆژەکەش لەلایەن کۆمپانیای دەروازەی گەرمیان و لەژێر سەرپەرشتیاری ئەندازیارانی سەرۆکایەتی شارەوانی جێبەجێدەکرێت.