ئێوارەی ئەمڕۆ، بەرنامەكانی تۆڕە كۆمەڵایەتییەكانی فەیسبوك و واتس ئاپ و ئینستاگرام لە هەرێمی كوردستان و عێراق و میسر و سعودیە و ژمارەیەك وڵاتی تری جیهان لە كاركەوتن.
هەرچەندە تائێستا هۆكاری لەكاركەوتنی ئەو تۆڕە كۆمەڵایەتیانە رووننەكراوەتەوە، بەڵام كۆمپانیای فەیسبوك لە رونكردنەوەیەكدا دەڵێت، هەندێك لە بەكارهێنەرانیان گرفتیان لە چوونە ناو بەرنامەكان هەیە و كار بۆ چارەسەركردنی گرفتەكە دەكەن.
مانگی نیسانی ئەمساڵیش بۆ چەند خولەكێك تۆڕە كۆمەڵایەتییەكانی فەیسبوك لە كاركەوتن.