د.لەتیف رەشید سەرۆک کۆماری عیراق، رۆژی هەینی 31ـی کانوونی دووەمی 2025 سەردانی ئایەتوڵڵا سەید حوسێن ئیسماعیل ئەلسەدری کرد لە ماڵەکەی خۆی لە شاری پیرۆزی کازمیە بۆ هەواڵپرسینی باری تەندروستی.

لەمیانی سەردانەکەدا سەرۆک کۆمار هیوای تەندروستی و سەلامەتی و چاکبوونەوەی خێرای بۆ دەربڕی.

سەرۆک کۆمار ستایشی هەڵوێستەکانی حوسێن ئیسماعیل ئەلسەدر و رۆڵی بەرچاوی کرد لە بڵاوکردنەوەی بەهاکانی لێبوردەیی و پەرەپێدانی پێکەوەژیان لە نێوان پێکهاتەکانی کۆمەڵگادا.

لای خۆیەوە سەدر سوپاسگوزاری ئەو هەنگاوەی سەرۆک کۆماری کرد و سەردانەکەی بەرزنرخاند و هیوای سەرکەوتنی بۆ د.لەتیف رەشید خواست لە ئەرکەکانی لە خزمەتکردنی گەلەکەمان و بەدیهێنانی خواستەکانیان.