پاش ئیمزاكردنی دەستووری نوێی سوریا لەلایەن ئەحمەد شەرعەوە، ئیدارەی خۆبەڕێوەبەری بەتوندی رەتیدەكاتەوە و دەستورەكە بە پێچەوانەی رەوشی ئێستای سوریا و پێكهاتەكانی دادەنێت.

ئیدارەی خۆبەڕێوەبەری باكوور و رۆژهەڵاتی سوریا راگەیەنراوێكی سەبارەت بە دەستووری نوێی سوریا بڵاوكردەوە و تێیدا ئاماژەی بەوە كرد دەستوورەكە مافی هەموو پێكهاتەكانی تێدا لەبەرچاو نەگیراوە و  ئەو پێوەرانەی دەستوورەكەی پێ داڕێژراوە بەشداریكردنی راستەقینەی پێكهاتەكانی سوریای تێدا نییە،  بەڵكو ساختەكارییەكی ناسنامەی راستەقینەی نیشتمانی و كۆمەڵایەتی سووریایە.

ئیدارەی خۆبەڕێوەبەری ئەوەشی خستەروو، دەستوورەكە نوێنەرایەتی خواستەكانی گەلی كورد ناكات بەڵكوو گوزارشت لە عەقڵییەتی تاكگەرایی دەكات و درێژكراویەی دەسەڵاتی پێشووە.

لە راگەیەنراوەكەی ئیدارەی خۆبەڕێوەبەریدا ئەوەش ئاشكراكراوە، پێویست بوو لە دەستوورەكەدا مافی هەموو پێكهاتەكان بپارێزرێت و لەسەر بنەمای هاوبەشی و یەكسانی دابڕێژرایە و دەستوورەكە بەم فۆڕمەی ئێستای هەوڵەكان بۆ گەیشتن بە دیموكراسیەتی راستەقینە لە سوریا لەناو دەبات.

وەزارەتی دارایی و ئابووری هەرێمی کوردستان لە رێگەی بەڕێوەبەرایەتی گشتی ژمێرکارییەوە راگەیەندراوێکی بڵاوکردەوە سەبارەت بە مووچەی مانگی شوباتی کەس و کاری شەهیدان و ئەنفالکراوان.

هەرچەندە بەپێی خشتەی پێشتر راگەیەنراو، وابڕیاربوو رۆژی یەکشەممە (16)ی ئازار مووچەی مانگی شوباتی کەس و کاری شەهیدان و ئەنفالکراوان دابەش بکرێت، بەڵام بەهۆی ئەوەوە کە ئەو رۆژە دەکەوێتە ساڵیادی کیمیابارانکردنی هەڵەبجەوە، وەزارەتی دارایی دەڵێت: "بۆ ئەو بەڕێزانەی لەو ڕۆژەدا بەهۆی بەشداریان لە یادی کیمیابارانی هەڵەبجە ناتوانن مووچەکانیان وەربگرن، ڕۆژانی دواتر دەتوانن سەردانی بانکەکان بکەن و مووچەکانیان وەربگرن".

شایەنی ئاژە پێدانە بەپێی خشتەی نوێی موچە کە وەزارەتی دارایی رایگەیاندووە، موچەی مانگی دووی کەس و کاری شەهیدان و ئەنفالکراوان دەکەوێتە ڕۆژی 16/3ەوە کە یادی کیمیا بارانی هەڵەبجەیەو ئەمەش ناڕەزایی کەسوکاری کیمیاباران و شەهیدانی لێکەوتەوە بەهۆی ئەوەی موچەی مانگی 2 لەمانگی سێداو لەو رۆژەشدا دابەشدەکرێت.

ڤلادیمێر پوتن، سەرۆکی روسیا لە دوایین لێدوانیدا ئاشکرای کرد کە وڵاتەکەی ئامادەیە بۆ پێشنیازی کۆتایی هێنان بە جەنگی ئۆکراین، بەڵام بە مەرجێک کە ببێتە هۆی چەسپاندنی ئاشتی درێژخایەن و چارەسەری ریشەیی قەیرانەکە بکات.

لە راگەیاندراوێکدا، پوتین رایگەیاند کە روسیا پشتگیری لە ئاگربەستی 30 رۆژە دەکات، بەڵام نیگەرانیی جددی هەیە سەبارەت بە چۆنیەتی بەکارهێنانی ئەو ماوەیە لەلایەن کییڤەوە.

"ئەگەری ئەوە هەیە کە ئۆکرانیا ئەم ماوەیە بۆ کۆکردنەوەی زۆرەملێی سەربازی زیاتر و زیادکردنی چەک بەکاربهێنێت، بەتایبەتی لە ناوچەی کورسک," سەرۆکی روسیا وای وت، و پێداگری لەسەر ئەوە کرد کە پێویستە میکانیزمی روون بۆ کۆنترۆڵکردنی ئەو ئەگەرە پێش رەزامەندی کۆتایی پێشکەش بە مۆسکۆ بکرێت.

ئەم لێدوانە لە کاتێکدا دێت کە هەردوو لایەن لە بەرەکانی جەنگدا بەردەوامن و هەوڵەکانی نێوەندگیری نێودەوڵەتی تاکو ئێستا سەرکەوتوو نەبوون لە هێنانەدی ئاگربەستی بەردەوام.

شایەنی باسە، ئەم رۆژانە چەندین وڵاتی ئەوروپی و ئەمریکا پێشنیازی دەستپێشخەرییەکی نوێیان بۆ راگرتنی ئاگربەست لەنێوان روسیا و ئۆکراین خستووەتە رو.