ئەمریکا بەنیازە بە بەھای زیاتر لە چوار ملیار دۆلار ھاوکاری سەربازی تایوان بکات
کوردسات نیوز
١٦ی ئەیلوولی ٢٠٢٢
لیژنەی چاودێری ئەنجومەنی پیرانی ئەمریکا، لە تاوتوێی دوا ھەنگاوەکانی بواردانە بە وڵاتەکەی کە بە راستەوخۆ کۆمەکی سەربازی بگەیەنێتە تایوان.
ھەرچەندە دەیان ساڵە ئەمریکا کۆمەکی سەربازیی تایوان دەکات، بەڵام دەرکردنی یاسایەکی نوێ لەو بارەیەوە ڕیگەدەدات بە واشنتۆن بە بەھای چوار ملیار و ٥٠٠ ملیۆن دۆلار کۆمەکی سەربازیی نوێ بگەیەنێتە تایوان.
بڕیاریشە ئەو کۆمەکە سەربازییە نوێیانەی ئەمریکا، لە ماوەی چوار ساڵی داھاتوودا پێشکەش بە تایوان بکرێت، کە چاوەڕواندەکرێت ببێتە مایەی نیگەرانی و ناڕەزایی حکومەتی چین.
لە ماوەی ڕابردوو بەپشیتوانی ھەردوو پارتی کۆماری و دیموکراتەکان، لیژنەی پەیوەندییەکانی دەرەوەی ئەنجومەنی پیران، یاسای سیاسەتی تایوانی پەسەندکرد، کە بە گەورەترین گەشەسەندنی پەیوەندییەکانی نێوان واشنتۆن و تایوان دادەنرێت.