٢٨ی کانونی یەکەمی ٢٠٢٤
وەفدێكی پەرلەمانتارانی دەم پارتی بۆ دیدار لەگەڵ ئۆجەلان گەیشتنە ئیمڕاڵی و ئێستا لە كۆبونەوەدان.
ئەمڕۆ وەفدێكی پارتی یەكسانی و دیموكراسیی گەلان "دەم پارتی" كە پێكهاتوون لە پەروین بوڵدان و سری سوورەیا ئۆندەر بە مەبەستی چاوپێكەوتن لەگەڵ عەبدوڵا ئۆجەلان رێبەری زیندانیكراوی پەكەكە، گەیشنتە ئیمڕاڵی و لە كۆبونەوەدان.
ئەوەش لەكاتێكدایە، رۆژی هەینی وەزارەتی دادی توركی ئەنجامدانی دیداری دەم پارتی لەگەڵ ئۆجەلان لە ئیمراڵی پەسەند كرد.
نوێترین هەواڵەکاندادگای ئامەد بڕیاری كۆتایی لەبارەی دۆسییەی نارین گورانەوەدا و سزای زیندانی هەتاهەتایی بەسەر دایك و مام و برایەكی ناریندا سەپاند.
پەیامنێری كوردسات نیوز لە ئامەد رایگەیاند، دادگای ئامەد لە چوارەمین دانیشتنیدا لەبارەی دۆسییەی نارین گورانەوە بڕیاری كۆتایی لەبارەی دۆسیەكەوەدا، لە بڕیارەكەشیدا سزای زیندانی هەتاهەتایی بەسەر دایك و مام و برایەكی نارین گوراندا سەپاند، كە تۆمەتباری سەرەكی دۆسییەكەن، هەروەها سزای زیندانی چوار ساڵ و شەش مانگی بەسەر نەوزاد بەختیار دراوسێیەكی ماڵی ناریندا سەپاند، كە بە دانپێدانانی خۆی تەرمی نارین گورانی شاردووەتەوە.
ئەوەشی خستەڕوو، ئەو سزایەی بەسەر دایك و مامی و برای نارین گوراندا سەپێنراوە، لێبوردنی گشتی نایانگرێتەوە.
جێی ئاماژەیە، تائێستا دادگای ئاماد چوار جار دانیشتنی لەبارەی دۆسییەی نارین گورانەوە بەڕێوەبردووە و لە چوارەمین دانیشتنیشیدا، كە سێ رۆژی خایاند، دادگا دەرفەتی دایە تۆمەتباران و پارێزەرەكانیان کە بۆ دوایین جار بەرگری یاسایی لە خۆیان بكەن.
نارین گوران، لە ٢١ـی ئابی ئەمساڵ لە گوندی چولی سەر بە شارۆچكەی رەزانی ئامەد بێسەروشوێن بوو، دواتر لە ٨ـی ئەیلول تەرمەكەی لە ناوچەی ئۆغڵاری سەر بە ئامەد دۆزرایەوە، لە ئێستاشدا ١٢ كەس بە تۆمەتی كوژرانی نارین دەستگیركراون.
لە ئێران هێرش دەكرێتە سەر بنكەیەكی پۆلیس و كەسێك كوژرا و ئەفسەرێکی دیکەش برینداربوو.
میدیاكانی ئێران بڵاویانكردەوە، ئەمشەو كەسێكی خۆكوژ لەبەردەم بنكەی پۆلیسی بەندەر لەنگە لە پارێزگای هورموزگان خۆی تەقاندوەتەوە و بەهۆیەوە لێپرسراوێكی پۆلیسی ئەو بنكەیە برینداربووە.
پەیامنێری كوردسات نیوز لە تاران رایگەیاند، سەرچاوەكانی هەواڵی وڵاتەكە ئاشكرایانكردووە، كەسێكی خۆكوژ بە "پشتوێنی بۆمبڕێژكراو" خۆی بە ئۆتۆمبێلی لێپرسراوی هەواڵگریی پۆلیسی بەندەری لەنگە تەقاندووەتەوە و بووەتە هۆی كوژرانی لێپرسراوەكە و بریندراوبوونی ئەفسەرێكی دیكەش.
بە پێی زانیارییەكان لێپرسراوەكەی پۆلیس لە ئۆتۆمبێلەكەی دابەزیوە و دواتر خۆكوژەكە خۆی پێدا تەقاندووەتەوە و بەهۆی سەختی برینەكانیەوە لە نەخۆشخانە گیانیلەدەستداوە.
سوپای توركیا هێزی زیاتر رەوانەی سنوری برادۆست دەكات، بەپێی گرتەیەكی ڤیدیۆییش زیاتر لە ١٠ ئۆتۆمبێلی سەربازیی رەوانەی بنەكە سەربازییەكانی لە سنوری برادۆست كردوە.
پەیامنێری كوردسات نیوز رایگەیاند، بەپێی گرتەیەكی ڤیدیۆیی سوپای توركیا لە گەروی سیران و ناوچەی دەشتەهێرتی سنوری برادۆست، زیاتر لە ١٠ ئۆتۆمبێلی سەربازیی، لە گەرووی رۆبی و رواڵا و باسكەكار و سنینەوە رەوانەی بنكە سەربازییەكانی توركیا كراون.
ئەوەش لە كاتێكدایە سوپای توركیا لەساڵی ٢٠٢٤، لەسنووری برادۆست بەدرێژایی ٢٣ كیلۆمەتر هاتووەتە ناو خاكی هەرێمی كوردستان و چەندین بنكەی سەربازیی نوێی دروستكردووە.
بۆ بینینی ڤیدیۆکە کلیک لێرە بکە
زۆرترین بینراووەزارەتی تەندروستی ھەرێم رایگەیاند، لەماوەی ٢٤ سەعاتی رابردوو بەھۆی ڤایرۆسی کۆۆنا ژمارەیەکی زۆری مردن و بۆیەکەمین جار بەرزترین رێژەی توشبوون لە سەرەتای سەرھەڵدانی کۆرۆنا تا ئێستا لەکوردستان تۆمارکرا.
راشیگەیاند، بەھۆی ھەڵسوکەوت و بێباکی ئێستا بەرامبەر کۆرۆنا کارەساتی دڵتەزێن بەڕێوەیە.
ئەو سەرچاوەیەی وەزارەتی دارایی و ئابوری حکومەتی ھەرێمی کوردستان بە کوردسات نیوزی راگەیاند، ئەم مانگە بەھۆی ئەوەی وادەی دابەشکردنی مووچە دەکەوێتە رۆژی ھەینی لە رۆژی یەک شەممەوە دەست بەدابەشکردنی مووچە دەکرێت و لە وادەیەکی کەمدا مووچەی سەرجەم وەزارەتەکان دابەشدەکرێت.
ھاوکات سەرچاوەیەکی دیکەی وەزارەتی دارایی جەختی لەوەکردەوە، بۆ ئەم مانگەش ھاوشێوەی مانگەکانی پێشوو مووچە بە لێبڕینی ٢١% بۆ فەرمانبەران و ٥٠% پلە تایبەتەکان دابەشدەکرێت.
سەرچاوەیەک بە کوردسات نیوزی راگەیاند، پارەی پێویست بۆ دابەشکردنی مووچەی مانگی ٥ی فەرمانبەرانی ھەرێم گەیشتووە و ئەو کێشەیەی دروست ببوو چارەسەر کراوە.
سەرچاوەکە راشیگەیاند، ھەفتەی داھاتوو مووچەی سەرجەم وەزارەتەکان دابەش دەکرێت.
دوێنێ مووچەی وەزارەتی تەندروستی و ئەمڕۆ مووچەی دیوانی وەزارەتی پێشمەرگە و لیواکان دابەشکرا و رۆژی یەکشەممەی داھاتووش مووچەی یەکەکانی ٧٠ و ٨٠ و وەزارەتی دارایی و ئابوری دابەش دەکرێت، دواتریش مووچەی سەرجەم وەزارەتەکانی تر خەرج دەکرێت.
