قوباد تاڵەبانی، لە پەیامێکدا بە بۆنەی یادی کۆمەڵکوژی کوردانی فەیلی، جەختی لەسەر پێگەی کوردانی فەیلی کردەوە وەک یەکێک لە رەسەنترین پێکهاتەکانی کوردستان و عێراق.

لە پەیامەکەی قوباد تاڵەبانی، جێگری سەرۆکی حکومەتی هەرێم دا هاتووە: "کوردە فەیلییەکان هاوشێوەی کوردانی ئێزدیی لەگەڵ ئەوەی لە رەسەنترین پێکهاتەکانی کوردستان و عێراقن، بەڵام لە سەد ساڵی رابردوودا لە ستەملێکراوترین پێکهاتەکانیش بوون".

جێگری سەرۆکی حکومەتی هەرێم ئاماژەی بە هۆکارەکانی چەوساندنەوەی کوردانی فەیلی کردووە و نووسیویەتی: "کوردانی فەیلی هەم بەهۆی جیاوازیی ئاینیی و هەم بەهۆی کوردبوونیانەوە بەردەوام چەوسێنراونەتەوە و وەک بێگانە سەیرکراون".

لە درێژەی پەیامەکەیدا قوباد تاڵەبانی نوسیویەتی: "گەلی کورد نەک هەر کۆمەڵکوژکردن و وڵاتبەدەرکردنی کوردانی فەیلی لەسەر دەستی رژێمی لەناوچوی بەعس لەبیرناکات، بەڵکو یادی ئەو تاوانە مەزنە دەکاتە هەوێنی پتەوکردنی هاوچارەنووسی و یەکێتیی زیاتری نێوان پێکهاتە جیاوازەکانی گەلی کوردستان".

لە کۆتایی پەیامەکەیدا قوباد تاڵەبانی ئاماژەی بۆ ئەوە کردووە: "لەم یادە وەبیر نوێنەرانی کورد لە بەغدا دەخەینەوە کە هەموو هەوڵی خۆیان بخەنەگەڕ بۆ قەرەبووکردنەوە و گەڕاندنەوەی مافە زەوتکراوەکانی کوردانی فەیلی".

وەزارەتی نەوتی عیراق راگەیەندراوێكی ئەپیكور رەتدەكاتەوە و داواش دەكات بە زوترین كات گفتوگۆ و دانوستان بۆ گەیشتن بە رێككەوتن لەسەر دەستپێكردنەوەی هەناردەی نەوتی هەرێم ئەنجام بدرێت.

وەزارەتی نەوتی عیراق لە راگەیەندراوێكدا ئاماژەی بەوە كردووە، بڵاوكردنەوەی راگەیەندراوێك لەلایەن كۆمەڵەی پیشەسازیی نەوتی كوردستان كە بە ئەپیكور ناسراوە تووشی شۆكی كردوون، كە تیایدا وەزارەتی نەوتی عیراقی تۆمەتباركردووە بە دروستكردنی ئاستەنگ و رێگری لە بەردەم دەستپێكردنەوەی هەناردەكردنی نەوتی هەرێمی كوردسان لە رێگەی بۆری عیراق-توركیاوە، چونكە هەموو هەوڵێكی وەزارەتی نەوت لە رابردوودا بۆئەوە بووە بە زوترین كات هەناردەی نەوتی هەرێمی كوردستان دەسپێبكاتەوە.

دەشڵێت، هەر كاتێك دانوستان و گفتوگۆ لەبارەی نەوتی هەرێم بە ئاراستەیەكی باش هەنگاوی نابێت، داواكاری و پێشنیازی نەگونجاو و بەدەر لە یاسا و رێككەوتنەكان پێشكەشكراون، كە لەلایەن وەزارەتی نەوتی عیراقەوە نەبووە، ئەوەش بووەتە گەورەترین ئاستەنگ و ئاڵنگاری لە بەردەم گەیشتن بە رێككەوتن.

وەزارەتی نەوتی عیراق لە راگەیەندراوەكەیدا داواشیكردووە بە زوترین كات گفتوگۆ و دانوستان لەگەڵ لایەنە پەیوەندیدارەكان دەستپێبكاتەوە بە شێوەیەك لەگەڵ یاسای بودجەدا بگونجێت بۆئەوەی بە زوترین كات هەناردەكردنی نەوتی هەرێمی كوردستان لە رێگەی بۆری نەوتی عیراق-توركیاوە دەستپێبكاتەوە.

دادگای باڵای ئەرجەنتین بڕیاریدا کە حەوت پزیشک و کارمەندی تەندروستی بە تۆمەتی "کەمتەرخەمی کوشندە" لە مردنی ئەفسانەی تۆپی پێی ئەرجەنتین، دیێگۆ مارادۆنا، بخرێنە بەر لێپرسینەوەی یاسایی.

دوای وەرگرتنی وتەی خوشکە بچوکەکەی مارادۆنا لەلایەن دادگاوە، ئەم بڕیارە درا کە دەکرێت سزای زیندانیکردن بۆ ماوەی 8 تا 25 ساڵی بەدوادا بێت.

داواکاری گشتی ئەرجەنتین لە لێدوانێکدا بۆ میدیاکان رایگەیاند: "لێکۆڵینەوەکان دەریانخستووە کە ئەو حەوت پزیشکە تۆمەتبارن بە کەمتەرخەمی پزیشکی، لەوانە پزیشکی نەشتەرگەری دەمار و پزیشکی دەروونی و ئەو پزیشک و پەرستارانەی کە چاودێری ئەستێرەی ئەرجەنتینییان کردووە".

لە راپۆرتی فەرمی دادگادا هاتووە: "تۆمەتباران چاودێرییەکی پێویستیان پێشکەش نەکردووە، ئەمەش بووەتە هۆی مردنی ناوبراو کە دەکرا بەرپرسیارانەتر مامەڵەی لەگەڵبکرێت".

پارێزەری خێزانی مارادۆنا لە کۆنفرانسێکی رۆژنامەوانیدا رایگەیاند: "ئێمە داوای دادپەروەری دەکەین. دیێگۆ شایەنی ئەوە بوو کە چارەسەری باشتر وەربگرێت. لێکۆڵینەوەکان نیشانیان داوە کە ئەو بە شێوەیەکی کەمتەرخەمانە پشتگوێ خراوە، ئەمەش کۆتایی بە ژیانی هێنا".

دادگاییکردنەکە چاوەڕوان دەکرێت لە سەرەتای ساڵی داهاتوودا دەست پێبکات، کە یەکێک لە دادگاییە هەرە گرنگەکانی مێژووی ئەرجەنتین دەبێت.