لە ماوەی مانگێكدا 104 كەس لە ئێران لەسێدارە دراون
کەژان
٢٣ی ئازاری ٢٠٢٥
لە ماوەی تەنها مانگێكدا 104 كەس لە ئێران لە سێدارەدراون، كە بۆ هەر رۆژێك دەكاتە چوار كەس.
رێكخراوی مافی مرۆڤی هرنا لە دوایین ڕاپۆرتی مانگانەی خۆیدا سەبارەت بە رەەوشی مافی مرۆڤ لە ئێران بڵاویكردەوە، لە 21ی شوباتەوە تاوەكو 21 ی ئازار، لانیكەم 104 كەس لە ئێران بە تۆمەتی جیاواز لە سێدارە دراون، واتە رۆژانە چوار كەس لەسێدارەدراون.
ئەو رێكخراوە راشیگەیاندوە، دادگای ئێران لە مانگی ڕابردوودا حوكمی لەسێدارەدانی بۆ 22 كەسی دیكەش دەركردووە، كە دوانیان تەمەنیان خوار 18 ساڵە، ئەوەش پێشێلكردنی ئاشكرای مافە نێودەوڵەتییەكانی مرۆڤە، لەوانەش ڕێككەوتننامەی مافەكانی منداڵ، كە ئێران ئیمزای لەسەر كردووە.