کوردستان
کاروان ستونی، وتەبێژی بەڕێوەبەرایەتی حەج و عومرەی ھەرێم بە کوردسات نیوزی راگەیاند، ماوەی چەند رۆژێکە نزیکەی دوو ھەزار و ٤٠٠ عومرەکاری کورد، لە سعودییە گیریانخواردووە و ناتوانن بە فڕۆکە بگەڕێنەوە ھەرێمی کوردستان.
ئەوەشی خستەڕوو، ھۆکاری کێشەی ئەو عومرەکارانە، بۆ کەمکردنەوەی ژمارەی فڕۆکەکانی ھێڵی ئاسمانی عیراق و راگرتنی گەشتەکانی ئەو ھێڵە ئاسمانییە بۆ سعودییە دەگەڕێتەوە.
وتەبێژی بەڕێوەبەرایەتی حەج و عومرەی ھەرێم راشیگەیاند، لەئێستادا لەگەڵ وەزارەتی ئەوقافی عیراق و لایەنە پەیوەندیدارەکان لەسەر ھێڵن بۆ چارەسەرکردنی ئەو کێشەیە، لە ئەگەری بەردەستنەبوونی رێگەی ئاسمانیش، ئەو حاجییانە بە رێگەی وشکانی و بە پاس دەگەڕێنرێنەوە.
ئاسۆ مامەند ئەندامی مەکتەبی سیاسی یەکێتیی نیشتمانیی کوردستان، لە ھەولیر لەگەڵ لێپرسراو و ئەندامانی ئەنجومەنی ھەردوو کۆمیتەی "رێکخستنی پیشەوەران و کاسبکاران و بیست و دووی شەمامک" کۆبووەوە.
لەو کۆبوونەوانەدا کە د. مەجید حەمەد ئەمین لێپرسراوی مەڵبەندی رێکخستنی سێی ھەولێر ئامادەی بوو، ئاسۆ مامەند جەختیکردەوە، لە ھەڵبژاردنی داھاتوو، رێڕەوی حوکمڕانیی راست دەکەنەوە و حکومەتێکی خزمەتگوزاری ھاوبەشی راستەقینە دەھێنینە کایەوە کە شایەنی ھاووڵاتیانی ھەرێمی کوردستان بێت.
ئاسۆ مامەند ئاماژەی بۆ ئەوەشکرد، لەبەر رۆشنایی ھەنگاوە راست و درووستەکانی سەرۆک و سەرکردایەتی، لە ئێستادا پێگەی یەکێتی لەسەر ئاستی ناوخۆی و ھەرێمی و نێودەوڵەتی ئێجگار بەھێزە و بەرەو باشتریش ھەنگاو دەنێت.
رێکخراوی ھەنگاو بۆ مافی مرۆڤی بڵاویکردەوە، مامۆستا محەممەد خزرنەژاد، تەمەن ٤٥ ساڵ و کەسایەتیی ئایینی خەڵکی بۆکان و یەکێک لە دەستبەسەرکراوانی بزووتنەوەی ژن ژیان ئازادی، بە مەبەستی ناڕەزایەتی دەربڕین بەرانبەر رەوشی بەندیخانەی ورمێ مانی لە خواردن گرتووە.
راشیگەیاندووە، مامۆستا محەممەد خزرنەژاد ماوەی ٢٢ مانگە دەستبەسەرکراوە و دۆسییەکەی رەوانەی دادگای شۆڕشی ورمێ کراوە، بە مەبەستی ناڕەزایەتی دەربڕین بەرانبەر جۆری بەڕێوەچوونی دانیشتنی دادگا بە شێوەی ئۆنلاین مانی لە خواردن گرتووە.
راشیگەیاندووە، ١١ ھەزار و ٤٢ کارت لە ھەولێر، ٧ ھەزار و ٢٤٢ کارت لە سلێمانی و ٣ ھەزار و ٦٨ کارتیش لە دھۆک وەرگیراوەتەوە، لە تەواوی پارێزگاکانی عیراقیشلە ماوەی ئەو ھەفتەیەدا ٣٨ ھەزار و ٨٠٢ کارتی بایۆمەتری دەنگدان وەرگیراونەتەوە.
ئەوەش لە کاتێکدایە بڕیارە ٢٠ی تشرینی یەکەمی ئەمساڵ، ھەڵبژاردنی پەرلەمانی کوردستان ئەنجامبدرێت.
بەپێی راگەیەندراوێکی ھێزەکانی سوریای دیموکرات، مەزڵوم کۆبانی لەگەڵ سەرکردەکانی ناوچەی فورات کۆبووەتەوە و جەختکرایەوە لە ئامادەیی ھێزەکان بۆ پاراستنی ناوچەکە و دانیشتووانەکەی.
مەزڵوم کۆبانی ستایشی ئامادەکارییەکانی ئەنجومەنی سەربازیی ھەسەدەی کرد بۆ پاراستنی ناوچەکە و بەرگریکردن لە سەرجەم پێکھاتەکان، جەختیشیکردەوە لە گرنگی بەھێزکردنی توانای ناوخۆیی و چارەسەرکردنی کەموکوڕییەکان لە تەواوی بوارەکاندا.
وتیشی، ئامادەن بۆ دانوستان لەگەڵ سەرجەم لایەنەکان بە تورکیاشەوە بۆ گەیشتن بە چارەسەری سیاسی، بەڵام نابێت ھێرش و دەستوەردانە سەربازیی و ئەمنییەکان بە ھەند وەرنەگیرێن.
جەختیشیکردەوە، بەردەوام دەبن لە مەشق و راھێنان بە ھێزەکانیان بۆ پشتیوانیکردنی ئەنجومەنی سەربازیی و ھێزەکانی.
