بە پێی راگەیەندراوێکی نوسینگەی تایبەتی سەرۆکی ئەنجومەنی باڵای سیاسی و بەرژەوەندی یەکێتی، لە دیدارەکەدا سەرۆک کۆماری عیراق بەخێرھاتنەوەی کۆسرەت ڕەسول عەلی کردو باسی لە ڕۆڵی گرنگی کۆسرەت ڕەسول لە رابردوو کردو دڵخۆشی خۆیشی بە باشی تەندروستی بەڕێزیان دەربڕی.

ھاوکات د. بەرھەم ساڵح سەرۆک کۆماری عیراق کورتەیەکی لەبارەی دۆخی عیراق و ناوچەکە بۆ سەرۆکی ئەنجومەنی باڵای سیاسی و بەرژەوەندی یەکێتی خستەڕوو، ھەردوولا جەختیان لە گرنگی تەبایی و یەکڕیزی کردەوە.
لای خۆیەوە کۆسرەت ڕەسول عەلی سوپاسی سەرۆک کۆماری عیراقی کرد.