دەزگای ئاسایشی هەرێم بۆ هاووڵاتیان: دوای ئاشکراکردنی ئەنجامی هەڵبژاردنەکان بەشێوازێکی شارستانیانە گوزارشت لە خۆشییەکانتان بکەن
١ی کانوونی دووەمی ١٩٧٠
٢
دەزگای ئاسایشی هەرێم داوا لە هاووڵاتیان دەکات، دوای ئاشکراکردنی ئەنجامی هەڵبژاردنەکان بەشێوازێکی شارستانیانە گوزارشت لە خۆشییەکانیان بکەن، بە پێچەوانەوە توندترین سزای یاسایی سەرپێچیکاران دەدرێت و ڕووبەڕوی یاسا دەکرێنەوە.
دەزگای ئاسایشی هەرێم لە راگەیەنراوێکدا داوا لە سەرجەم هاووڵاتیانی هەرێمی کوردستان لە شار و شارۆچکەکان دەکات، دوای کۆتاییهاتنی پرۆسەی دەنگدان و ئاشکراکردنی ئەنجامی هەڵبژاردنەکان و کەرنەڤاڵی لایەنە سیاسییەکان، بەشێوازێکی شارستانیانە گوزارشت لەخۆشییەکانیان بکەن و نەبنە هۆی دروستبوونی ئاستەنگی هاتوچۆ لە شەقام و شوێنە گشتییەکان.
هەر لە راگەیەنراوەکەدا داوا لە هاووڵاتیان دەکات، دووربکەونەوە لە توندوتیژی و بەکارهێنانی چەک و تەقەکردن، بە پێچەوانەوە توندترین سزای یاسایی سەرپێچیکاران دەدرێت و ڕووبەڕوی یاسا دەکرێنەوە.