لە دوای ١٦ ساڵ لە کوژرانی سەرکردەیەکی حزبوڵای لوبنان، ئیسرائیل بۆیەکەمجار دان بەوەدا دەنێت لەپشتی کوشتنی ئەو سەرکردەیەوە بووە.
ئێھود ئۆڵمەرت سەرۆک وەزیرانی پێشووتری ئیسرائیل لە چاوپێکەوتنێکیدا لەگەڵ کەناڵی ١٣ی وڵاتەکەی ئاماژەی بەوەکرد، لە ساڵی ٢٠٠٨ لە رێگەی جێبەجێکردنی پلانێکەوە توانیویانە ئۆتۆمبێلەکەی عیماد موغنیە سەرکردەی سەربازیی حزبوڵای لوبنان لەی سوریا بتەقێننەوە کە بەھۆیەوە موغنیە کوژرا.
لێدوانەکەی ئەیھود ئۆڵمەرت سەرۆک وەزیرانی پێشووتری ئیسرائیل لە دوای ١٦ ساڵ یەکەم داننانی رەسمییە لەبارەی کوژرانی عیماد موغنیە سەرکردەی سەربازیی حزبوڵای لوبنانەوە.
ساڵی ٢٠١٥ رۆژنامەی واشنتۆن پۆست بڵاویکردەوە کوشتنی عیماد موغنیە پلانێکی ھاوبەشی ھەردوو دەزگای ھەواڵگری ئیسرائیل و ئەمریکا بووە، بەڵام ئەو کاتە ئیسرائیل رەتیکردەوە پەیوەندی بە کوشتنی موغنیەوە ھەبووبێت.