مەلا نەزیر بەرواری یەکێک لە دەستگیرکراوانی بادینان دوای سێ ساڵ زیندانیکردن ئازادکرا

2024-02-11   |  
فۆتۆ: 
کوردسات نیوز
دوای زیاتر لە ١٠٠٠ رۆژ لە دەستگیرکردنی، مەلا نەزیر یەکێک لە زیندانیکراوانی بادینان ئازادکرا و سەردانی گۆڕی دایک و باوکی کرد، کە بە حەسرەتی بینینەوەی کوڕەکەیان گیانیانلەدەستدا.

رۆژی ١١ی شوباتی ٢٠٢١ ھێزێکی ئاسایشی دەرکارێ، چونە سەر ماڵی مەلا نەزیر بەرواری، لە دوای پشکنینی ماڵەکەی دەستگیرکرا، لە ڕۆژی ١٩ی ئەیلولی ٢٠٢١ دادگای دھۆک بە تۆمەتی “ھەبوونی پەیوەندیی لەگەڵ پەکەکە” بە حەوت ساڵ زیندانیکردن مەلا نەزیری سزادا، دواتر بە ھەوڵی پارێزەرانی و فشاری ڕایگشتی سزاکەی بۆ سێ ساڵ کەمکرایەوە.

مەلا نەزیر بەرواری لە زیندان بوو، کاتێک دایک و باوکی بە حەسرەتی بینەوەی کوڕەکەیان بوون و گیانیانلەدەستدا، دوای ئازادکردنی راستەوخۆ سەردانی گۆڕی دایک و باوکی کرد.