بەبۆنەی یادی ٢٥ ساڵەی دامەزراندنی دەزگای میدیایی کوردساتەوە ، حەمەی حەمەسەعید وەزیری ڕۆشنبیری و لاوان پەیامێکی پیرۆزبایی ئاڕاستەی بەڕێوەبەر و کارمەند و ڕۆژمەنووسانی دەزگاکە دەکات و دەڵێت، " کەناڵی کوردسات شاشەیەکی پرشنگدار و دەنگێکی پڕبەهایە"

دەقی پەیام 

    پەیامی پیرۆزبایی

بەڕێزان بەڕێوبەر و کارمەندانی کەناڵی ئاسمانی کوردسات

بەبۆنەی ٢٥ساڵەی دامەزراندنی کەناڵی ئاسمانی کورسات و یۆبێلی زیوینی کەناڵەکەتان گەرمترین پیرۆزباییتان لێدەکەم و هیوادارم بەردەوامبن لەخزمەت بە کلتوور و فەرهەنگ و ڕەسەنایەتی گەلەکەمان.

کوردسات یەکێکە لە شاشە ڕەنگین و دەنگە پڕبەهەکان، لەماوەی ٢٥ساڵ تەمەنی خزمەتی زۆری بەبواری ڕۆشنبیری و فەرهەنگیمان کردووە و مێژوویەکی پرشنگداری هەیە، لەچوارچێوەی یاسا و ڕێساکانی کاری میدیایی بەرنامە و کارەکانی پێشکەش کردووە، ئەمەش وایکردووە کوردسات ببێتە دەنگ و ڕەنگی هەموان.

هیوادارین هەردەم بەردەوامبن لەسەر نەریتی جوانی کوردەواری بەسەنگینی و هاوسەنگی بمێننەوە و لەکاروانی خزمەت بە کلتوور و فەرهەنگی کوردی بەردەوامبن.

دووبارە پیرۆزبێت یادی یۆبێلی زیوینی کوردسات 

هەربژین.

حەمەی حەمەسەعید