هەڵمەت هۆشیار ئەندامی پەرلەمانی کوردستان پیرۆزبایی ٢٥ـەم ساڵیادی دامەزراندنی کوردسات دەکات و دەڵێت، کوردسات لە لای هاونیشتیمانیانی هەرێمی کوردستان بەها و  پێگەیەکی جیاوازی هەیە.

دەقی پیرۆزباییەکە 

بەڕێزان:  دەزگای میدیایی کوردسات

سەرپەرشتیار و کارمەندە دڵسۆزەکانی...

بە بۆنەی ساڵیادی دامەزراندنی کەناڵی کوردساتەوە، گەرمترین و جوانترین پیرۆزباییتان ئاڕاستە دەکەم.

کوردسات لە لای هاونیشتیمانیانی هەرێمی کوردستان بەها و  پێگەیەکی جیاوازی هەیە، ئەویش بەر لە هەموو شت بۆ پاراستنی فەرهەنگ و کلتوری کوردیی دەگەڕێتەوە، پاراستنی بەها کۆمەڵایەتیی و نیشتمانیی و نەتەوەیی و ئاینییەکان وایانکردووە هێندەی تر لای هاونیشتیمانییەکانمان سەنگینتر  بێت، چونکە بە درێژایی ۲٤ ساڵی ڕابردوو رەچاوی ئیتیکی کاری میدیایی کردووە و پیشەییانە دەستی بۆ هەر بابەتێک بردووە کە ویستوویەتی کاری لەسەر بکات. وردبینانە بەرنامەکانی داڕشتووە و کوردانە پێشەکەشی بینەرەکانی کردووە، ئەمانە وایانکردووە سەنگ و پێگەی کوردسات لە لای خەڵکی کوردستان پارێزراو و بێت و لە ئاستێکی بەرزدابێت..

  دووبارە پیرۆزبایی ساڵڕۆژی دامەزراندنی  کوردساتتان لێدەکەم و بەهیوام  پێ نانە ناو ۲٥مین ساڵی کارکردنتانەوە پڕ بێت لە بەرهەمی جوانتر و ناوازەتر و کوردانەتر..

هەڵمەت هۆشیار

ئەندامی پەرلەمانی کوردستان