رێکخراوی منداڵپارێزی کوردستان، بەبۆنەی ٢٥هەمین ساڵیادی دامەزراندنی دەزگای میدیایی کوردسات پەیامێکی پیرۆزبایی ئاڕاستەی دەزگاکە دەکات و دەڵێت، ". دەزگای میدیایی کوردسات هەر لەسەرەتای دامەزراندنیەوە پیشەییانە و بە بێ جیاوازی کاری کردوە بۆ خزمەتکردنی منداڵان و هۆشیارکردنەوەی کۆمەڵگا"

دەقی پەیام

پیرۆزباییڕێکخراوی منداڵپارێزی کوردستان بۆ ساڵیادی دامەزراندنی دەزگای میدیایی کوردسات

بەرێزان ، ھاورێیان و ئازیزانی دەزگای میدیایی کوردسات

بەناوی گشت کارمەندانی ڕێکخراوی منداڵپارێزی کوردستان پیرۆزبایی٢٥ ساڵیادی دامەزراندنی کوردساتتان لێ دەکەین .                                      دەزگای میدیایی کوردسات هەر لەسەرەتای دامەزراندنیەوە پیشەییانە و بە بێ جیاوازی کاری کردوە بۆ خزمەتکردنی منداڵان و هۆشیارکردنەوەی کۆمەڵگا سەبارەت بە مافەکانی منداڵان و پاراستنی پەرژەوەندی باڵای منداڵان. کوردسات هەمیشە بە گرنگیەوە کاری کردوە بۆ دەرخستنی بەهرە و توانای منداڵان و گەنجان و هەمیشە هاوکارو پاڵپشتی منداڵپارێزی کوردستان بووە لە کاروچالاکییەکانی بۆ خزمەتکردنی منداڵ و گەنجان بەبێ جیاوازی‌و هەڵوێستی نەگۆڕی بەرز دەنرخێنین.         

ئومێدەوارین ساڵی نوێ ساڵی بەرەوپێشچونی زیاتری کوردسات بێت بۆ هەماهەنگی و هاوکاری زیاتر لە پێناوی پاراستنی مافەکانی منداڵ.

دووبارە پیرۆز بێت                                     ڕێکخراوی منداڵپارێزی کوردستان