بەبۆنەی ٢٥ ساڵەی دامەزراندنی کوردساتەوە، رزگار حاجی حەمە پەیامێکی پیرۆزبایی ئاڕاستەی دەزگای میدیایی کوردسات کرد و رایگەیاند، لە ماوەی چارەکە سەدەی تەمەنی پڕ لە شانازیدا، کوردسات هەمیشە راستگۆ و کوردانە و پیشەییانە پەیامەکانی خۆی گەیاندووە و بووەتە دەنگ و رەنگی هەموو کۆمەڵانی خەڵکی کوردستان.

دەقی پەیەمەکە...

پیرۆزبایی

بەرێزان؛ بەڕێوەبەر و راگەیاندکاران و کارمەندانی دەزگای میدیایی کوردسات

بەبۆنەی ساڵیادی دامەزراندنی (کەناڵی ئاسمانی کوردسات)ەوە، گەرمترین پیرۆزیاییتان ئاڕاستە دەکەم و هیوای بەردەوامی و سەرکەوتنی زیاترتان بۆ دەخوازم.

لە ماوەی چارەکە سەدەی تەمەنی پڕ لە شانازیدا، کوردسات هەمیشە راستگۆ و کوردانە و پیشەییانە پەیامەکانی خۆی گەیاندووە و بووەتە دەنگ و رەنگی هەموو کۆمەڵانی خەڵکی کوردستان و پارێزەری فەرهەنگ و زمان و کەلتور و بەها پیرۆزەکانی کۆمەڵگەی کوردەواری.

هەر بۆیە بە راستی کوردسات بۆتە ماڵی هەموومان و جێگەی لە ناو دڵی هەموو کوردێکدا کردۆتەوە.

هیوادارم بۆ ئایندە، دەزگای میدیایی کوردسات بەهەمان گوڕو تینی تەمەنی پڕ لە بەخشینی، بەردەوام بێت لە بەجێگەیاندنی ئەرکە پیرۆزەکەی و گەشەی زیاتر بەخۆی بدات.

دووبارە پیرۆزە

رزگار حاجی حەمە

ئەندامی مەکتەبی سیاسی

لێپرسراوی مەکتەبی هەڵبژاردن