ئاری جەلال سەرۆکی دەزگای لوتکە، بەبۆنەی ٢٥هەمین ساڵیادی دامەزراندنی دەزگای میدیایی کوردسات پەیامێکی پیرۆزبایی ئاڕاستەی دەزگاکە دەکات و دەڵێت، " کوردسات دەنگ و ڕەنگی سەرجەم چین و توێژەکانی کۆمەڵانی گەلی کوردستانە، کوردسات مینبەر و ماڵە رەنگین و قەشەنگەکەی کوردستانیانە لەهەر شوێنێکی ئەم جیهانە".

دەقی پەیامەکە...

بەڕێزان دەزگای میدییای کوردسات

بەبۆنەی 25 هەمین ساڵیادی دامەزراندنی دەزگای میدیایی کوردسات و سەری ساڵی نوێوە جوانترین و گەرمترین پیرۆزبایی خۆم ئاڕاستەی سەرجەم بەڕێوبەر و کارمەندان و میدیاکارانی دەزگای میدییای کوردسات دەکەم.

کوردسات دەنگ و ڕەنگی سەرجەم چین و توێژەکانی کۆمەڵانی گەلی کوردستانە، کوردسات مینبەر و ماڵە رەنگین و قەشەنگەکەی کوردستانیانە لەهەر شوێنێکی ئەم جیهانە.

دووبارە پیرۆزبایتان لێدەکەم هیوادارم  بەردەوام بن لەبەرنامەی نوێ و تازەگەری.

هیوای لەش ساغی و تەمەندرێژی  بۆ ستافە ئازیزەکەتان دەخوازم.

ئاری جەلال

سەرۆکی دەزگای لوتکە

2024/12/31