سەرۆکی زانکۆی گەرمیان بۆ یادی ٢٥ ساڵەی دامەزراندنی دەزگای میدیایی کوردسات لە پەیامێکی پیرۆزباییدا کە ئاڕاستەی دەزگاکەی کردووە دەڵێت، " هەمیشە كوردسات میدیایەكی سەنگین و بەرپرسیار بووە لەبەرامبەر پرسە نیشتمانی و نەتەوەییەکاندا "

دەقی پەیام 

پیرۆزبایی ساڵیادی دامەزراندنی کوردسات لە تەواوی کارمەندان و بەڕێوەبەری دەزگاکە دەکەم.

هەمیشە كوردسات میدیایەكی سەنگین و بەرپرسیار بووە لەبەرامبەر پرسە نیشتمانی و نەتەوەییەکاندا و خزمەتێکی زۆریشی بە هونەر و کەلتوری ڕەسەنی کوردی کردووە.

کوردسات بە کارکردنی سەلماندوویەتی کە ماڵی هەمووان و دەنگ و ڕەنگی کوردان بووە،  هەر بۆیە لەساڵی نوێی کارکردنتاندا هیوای زیاتر بەرەو پێشچون و سەرکەونتی بەردەوامتان بۆ دەخوازم 

دووبارە یادی کەناڵە ئازیزەکەتان پیرۆز بێت

پرۆفیسۆر دکتۆر ئاراس فەریق زەینەڵ

سەرۆکی زانکۆی گەرمیان