د.خەسرەو گوڵ ئەندامی مەکتەبی سیاسی یەکێتی لە یادی کوردساتدا پەیامێکی بڵاوکردەوە و رایگەیاند؛ کوردسات نموونەیەکی دیارو گەشاوەی  میدیای کوردییە ، کە هەمیشە لەسەر یەک هێڵی پیشەیی ، کوردستانی بەرپرسیارانە ، پەیامەکانی گەیاندووەو نەبۆتە بەشێک لەو فەوزا میدیایەی کە بەداخەوە دوور لەبنەماکانی کاری راگەیاندن و بە ئەجندایی ئاڕاستەکرا کار دەکەن بۆ شێواندنی کۆمەڵگاکەمان.

دەقی پەیامەکە:

بەڕێز بەڕێوەبەر و میدیاکارانی دەزگای میدیایی کوردسات

لەیادی ٢٥ ساڵەی دامەزراندنی کوردساتی ئازیز لەناخی دڵمەوە پیرۆزبایی گەرمتان لێدەکەم ، هیوای سەرکەوتن و پێشکەوتنی زیاترتان بۆ دەخواز .
کوردسات نموونەیەکی دیارو گەشاوەی  میدیای کوردییە ، کە هەمیشە لەسەر یەک هێڵی پیشەیی ، کوردستانی بەرپرسیارانە ، پەیامەکانی گەیاندووەو نەبۆتە بەشێک لەو فەوزا میدیایەی کە بەداخەوە دوور لەبنەماکانی کاری راگەیاندن و بە ئەجندایی ئاڕاستەکرا کار دەکەن بۆ شێواندنی کۆمەڵگاکەمان .
شانازی بە مێژووی کارکردنتانەوە دەکەین ، بەرێزیشەوە رۆڵ و ماندووبوون و خەمخۆری خوشکی ئازیزمان و دامەزرێنەی دەزگای میدیایی کوردسات خاتوو (  هێرۆ ئیبراهیم ئەحمەد )  بەرزرادەگرین . کەپەرۆشانە لەخەمی پاراستنی بەهابەرزەکانی کۆمەڵگاکەمان و بنیادنانی میدیایەکی سەنگین و پیشەیدا بوو . کە خزمەتەکانی بۆ هەمیشە بە زیندوویی دەمێننەوە و هیوای سەلامەتی هەمیشەیی بۆ دەخوازین .
ئێوەش هەر شادبن ، چاوەڕێی گۆڕانکاری و هەنگاوی گەورەترتان لێدەکەین .

د. خەسرەو گوڵ