بەبۆنەی ٢٥ هەمین ساڵیادی دامەزراندنی دەزگای میدیایی کوردسات، ئاراس محەمەد ئاغا ئەندامی سەرکردایەتی یەکێتیی نیشتمانیی کوردستان پەیامێکی پیرۆزبایی ئاڕاستەی بەڕێوەبەر و کارمەندانی دەزگای میدیایی کوردسات دەکات.

دەقی پەیامەکە

ھەڤالانی خۆشەویست بەڕێوەبەر و کارمەندانی دەزگای میدیایی کوردسات.

گەرمترین و جوانترین  پیرۆزبایی خۆم و ھەڤالانم لە مەلبەندی حەوتی نەینەوا ئاڕاستە دەکەین بۆیادی (٢٥)ەمین ساڵیادی دامەزراندن و دەست پێکی ساڵی نوێ کارکردنتان.پیرۆزە ئەو یادە لەتەواوی ستاف و کارمەندان و بینەرانیش.

 دەزگای میدیایی کوردسات، جگە لە کاری پیشەیی و لە بەرچاوگرتنی ئیتکی رۆژنامەگەری، هاوکات دەنگ و رەنگی هەموو کوردانیش بووە و خەمی میللەتەکەی لە کۆڵ ناوە و گرینگی بە مەسەلەی خاک و نەتەوەکەی داوە، لەم روەوە گرنگی و بایەخی زۆری بە نەینەوا و ناوچە جێناکۆکەکان داوە ئەمەش جێگای  شانازی ھەموو ئەندامان و لایانگرانی یەکێتیە لەم دەڤەرە.

کەناڵی کوردسات وەک یەکەم میدیایی کوردی هەمیشە کەناڵێکی ئاشتی خوازو خزمەتێکی زۆری بەتەواوی بوارەکان کردووە، ڕۆڵی باشی بینیوە لەبەرەو پێش بردن کۆمەڵگا و نوێ گەری لەمیدیای کوردیدا هەمیشە پێشەنگ بووە لەگواستنەوەی دەنگ و ڕەنگی هەموو کوردێک لە ھەر شوێنێکی ئەم جێھانەدا. 

کەناڵێکی تەواو پڕۆفیشناڵ بووە لەکارەکانی و بەرنامە جوانەکانی، هیوادارم لەداهاتووش بەردەوام بن لەوکارە نموونەو جوانانەی پێشکەشتان کردووە، ئەو سەکۆیە بەرنەدەن کەبونەتە دەنگ و ڕەنگی هەموو کوردێک.

 هەمیشە نوێگەرو تایبەت و داهێنەر بووە، ساڵی نوێتان پڕبێت لەداهێنان و بەردەوامی و نوێگەری.

دووبارەئەم یادەتان لێ  پیرۆزبێت ھیوادارم ھەمیشە تەمەن درێژ و سەرکەوتوونتان بۆ دەخوازم.