زانیاری نوێ لەبارەی مووچەی فەرمانبەران ئاشکرا دەکرێت

2023-09-18   |  
فۆتۆ: 
ئایار
ئەمیندارێتیی ئەنجومەنی وەزیرانی عێراق، نوسراوی خەرجکردنی ٧٠٠ ملیار دینارەکەی مووچەی فەرمانبەرانی ھەرێمی کوردستانی بۆ وەزارەتی دارایی نارد.

بەپێی ئەو زانیاریانەی دەستی کوردسات نیوز کەوتوون، ئەمیندارێتیی گشتیی ئەنجومەنی وەزیرانی عێراق، نوسراوێکی ئاڕاستەی وەزارەتی دارایی عێراق کردووە و داوایکردووە، ٧٠٠ ملیار دینار بۆ مووچەی مووچەخۆرانی ھەرێمی کوردستان خەرجبکرێت.

ئەو نوسراوەی ئەمیندارێتیی ئەنجومەنی وەزیرانی عێراق لە کاتێکدایە کە رۆژی یەکشەممە ئەنجومەنی وەزیرانی عێراق کۆبووەوە و بڕیاریدا بۆ ماوەی سێ مانگ، مانگانە ٧٠٠ ملیار دیناری بۆ  مووچەی مووچەخۆرانی ھەرێمی کوردستان خەرجبکرێت، داواشی لە ئەمیندارێتییەکە کرد، بە زووترین کات نوسراو بۆ وەزارەتی دارایی بکات تاکو دەست بە خەرجکردنی ئەو پارەیە بکات.



 زۆرترین خوێندراو