سەرۆکی ھاوپەیمانی عەزم دەڵێت، سەرکەوتنی پرۆسەی سیاسی لە کەرکوک ئاماژەیە بۆ سەرکەوتنی داھاتووی کاری سیاسی لە عیراق.
موسەنا سامەڕایی سەرۆکی ھاوپەیمانی عەزمی سونەکان رایگەیاند، کەرکوک ھاوشێوەی عێراقێکی بچوکە و پێویستە ھەمووان کار بۆ بەھێزکردنی پێکەوەژیان بکەن دوو لە حزبایەتی و تایفیی و دەبێت ھەموو سیاسییەکانیش باوەڕیان بەوە ھەبێت کە ئەو شارە بۆ ھەموو پێکھاتە رەسەنەکانیەتی بەبێ جیاوازی و پەراوێزخستنی ھیچ پێکھاتەیەک.
وتیشی، سەرکەوتنی پرۆسەی سیاسی لە کەرکوک و پێشکەشکردنی باشترین خزمەتگوزاری بۆ خەڵکی ئەو شارە، ئاماژەیە بۆ سەرکەوتنی داھاتووی کاری سیاسی لە عیراق.