مەکتەبی سیاسی پارتی پیرۆزبایی یادی ٤٨ ساڵەی دامەزراندنی یەکێتی دەکات و جەخت دەکاتەوە لەسەر ھەماھەنگی و تەبایی تێکڕای ھێز و لایەنە سیاسییەکانی کوردستان.
مەکتەبی سیاسی پارتی پەیامێکی پیرۆزبایی ئاڕاستەی یەکێتی کرد و ھیوای بەردەوامی و ھەنگاوی نوێتر و باشتر بۆ یەکێتی دەخوازێت.
لەبەشێکی تری پەیامەکەیدا جەختدەکاتەوە ھەماھەنگی و تەبایی و تێکڕای ھێز و لایەنە سیاسییەکانی کوردستان بۆ روبەڕوبوونەوەی ئاڵنگاریەکانی قۆناغی ئێستا و داکۆکیکردن لە مافەکانی ھاووڵاتیان و پاراستنی قەوارەی ھەرێم.
ھەروەھا داوای پتەوکردنی گیانی یەک وتاری و یەکھەڵوێستی سیاسی لەپێناو بەرژەوەندی ھاووڵاتیانی کوردستان و چارەسەرکردنی گیروگرفت و کێشەکان و ئەنجامدانی ھەڵبژاردنی پەرلەمانی کوردستان و بەھێزترکردنی پایەکانی دیموکراسی دەکات.