پشکی ھەرێمی کوردستان بۆ حەجی ئەمساڵ چوار ھەزار و ٦٨٥ کەسە

2023-02-01   |  
فۆتۆ: 
کوردسات نیوز
بەڕێوەبەرایەتی گشتی حەج و عومرەی ھەرێمی کوردستان پلانی حەجی راگەیاند و دەڵێت، چوار ھەزار و ٦٨٥ کەس لە ھەرێمی کوردستان بەشداری حەجی ئەمساڵ دەکەن.

شێخ نیاز راغب نەقشبەندی بەڕێوەبەری گشتی حەج و عومرەی ھەرێم لە کۆنفرانسێکی رۆژنامەوانیدا رایگەیاند، سعودیە بۆ حەجی ئەمساڵ ژمارەی حاجیانی بۆ دوو ملیۆن حاجی زیادکردووە و لە کۆی ٣٣ ھەزار و ٩٦٠ کەس لە عێراق، چوار ھەزار و ٦٨٥ کەس وەک پشکی ھەرێمی کوردستان دیاریکراوە.

وتیشی، ئەمساڵ ژمارەیەک لە حاجیان بە رێگەی وشکانی دەچن بۆ حەج کە تێچووی کەمتر دەبێت و ساڵی داھاتووش داواکاری حەج بە رێگەی ئۆنلاین دەبێت.