سوپای تورکیا چەند گوندێکی سەر بە عەفرینی تۆپباران کرد

2022-12-08   |  
فۆتۆ: 
کوردسات نیوز
ماوەی ١٨ رۆژە ھێرشی ئاسمانی و تۆپبارانی تورکیا بۆ سەر رۆژئاوای کوردستان بەردەوامە، بەیانی ئەمڕۆش تورکیا گوندەکانی ناحیەی شێراوای سەر بە عەفرینی تۆپباران کرد.

پەیامنێری کوردسات نیوز رایگەیاند، بەیانی ئەمڕۆ تورکیا ھەردوو گوندی میاسە و زرنعیتەی لە ناحییەی شێراوا لە عەفرین کردووەتە ئامانج و ناو بەناو تۆپبارانکردنی ناوچەکە دەکاتەوە.

میدیاکانی رۆژئاواش ئاماژە بۆ ئەوە دەکەن، تەنھا لە ماوەی شەش رۆژدا توکیا ١٤ ناوەند و گوندی لە ناوچەی زڕگان لە رۆژئاوای حەسەکە بە ٨٧ تۆپ کردووەتە ئامانج و چەندین قوربانی لێکەوتووەتەوە.