وەزیری پەروەردە ستراتیژێکی بۆ شێوازی وانەوتنەوە لە قۆناغی بنەڕەتی راگەیاند

2024-02-29   |  
فۆتۆ: 
کوردسات نیوز
وەزیری پەروەردەی حکومەتی ھەرێم ستراتیژێکی حەوت ساڵی بۆ شێوازی وانەوتنەوە لە قۆناغی بنەڕەتی رایگەیاند کە بەوتەی خۆی ڕۆڵی مامۆستایان لە قوتابخانەکاندا دەگۆڕێت.

ئالان حەمەسەعید لە سیمپۆزیومی "تەندروستیی دەروونی" لە زانکۆی سلێمانی رایگەیاند، بۆ ئەمساڵی خوێندن وەزارەتی پەروەردە ستراتیژێکی راھێنانی گرنگی لە قۆناغی بنەڕەتیدا خستووەتە کارەوە لەو ناوچانەی کە لە مانگی ئەیلوولی ئەمساڵەوە دەستیان بە خوێندن کردووە.

وتیشی، ستراتیژەکە حەوت ساڵییەو تا ٢٠٣٠ بەردەوام دەبێت، بەئامانجی گۆڕینی شێوازی وانەوتنەوە و بەسەنتەرکردنی قوتابییان و گۆڕینی رۆڵی مامۆستایان لە فێرکارییەوە بۆ ھاریکاریی فێرکار.

بە وتەی وەزیری پەروەردە، بە سەنتەربوونی خوێندکاران چەند بنەمایەکی گرنگ لەلایە خوێندکار دروستدەکات، لەنێویشیاندا باوەڕ بەخۆبوون و بەشدارییکردن و ھەڵگرتنی بەرپرسیارێتی.