زانیاری نوێ لەسەر ناردنی٧٠٠ ملیار دینارەکە ڕاگەیەندرا

2023-12-10   |  
فۆتۆ: 
لاڤە
فارس عیسا سەرۆکی نوێنەرایەتی حکومەتی ھەرێم لە بەغداد رایگەیاند، سبەینێ یان دوو سبەی ٧٠٠ ملیار دینارەکە دەخرێتە سەر ھەژماری بانکی ھەرێم.

فارس عیسا بە کوردسات نیوزی راگەیاند، وەک نوێنەرایەتی حکومەتی ھەرێم رۆژی ھەینی سەرجەم رێکارەکانیان تەواو کردووە سەبارەت بە ناردنی ٧٠٠ ملیارەکە و بڕیارە رۆژی دووشەممە یاخود سێشەممەش ئەو بڕە پارەیە بخرێتە سەر ھەژماری بانکی ھەرێم.

ئیخڵاس دلێمی ئەندامی لیژنەی دارایی ئەنجومەنی نوێنەرانیش لە لێدوانێکدا بۆ کوردسات نیوز جەختی کردەوە لەوەی، رێکارە ھونەرییەکان تەواو بوون، لە چەند رۆژی داھاتوودا ٧٠٠ ملیارەکە دەگاتە ھەرێم.