سەرۆکی حکومەتی ھەرێم پەیامێک ئاڕاستەی سەرۆکی یەکێتی دەکات

2023-10-03   |  
فۆتۆ: 
کوردسات نیوز
مەسرور بارزانی سەرۆکی حکومەتی ھەرێمی کوردستان بەبۆنەی سەرکەوتنی کۆنگرەی پێنجەمی یەکێتی پەیامێکی پیرۆزبایی ئاڕاستەی بافڵ جەلال تاڵەبانی سەرۆکی یەکێتی دەکات.

دەقی پەیامەکە... 

بەڕێزان سەرۆک و سەرکردایەتی یەکێتیی نیشتمانیی کوردستان:

بە بۆنەی سەرکەوتنی کۆنگرە و دەستنیشانکردنی سەرکردایەتی نوێی یەکێتی، پیرۆزبایی لە ئێوە و ھەموو ئەندام و لایەنگرانی حیزبە تێکۆشەرەکەتان دەکەم.  

ھیوادارم قۆناغێکی نوێ لە خزمەتی گەل و نیشتمان دەست پێ بکەن و ھەنگاوەکانتان بۆ یەکڕیزی و تەبایی و پەرەپێدان بە دەستکەوتەکان و پاراستنی نیشتمان و بەرژەوەندییە باڵاکانی خاک و خەڵکی کوردستان چڕتر بکەن و ھەروەھا ھەماھەنگی و پشتیوانیتان بو جێبەجێکردنی پلان و بەرنامەکانی حکومەت زیاتر بکەن.

مەسرور بارزانی
سەرۆکی حکومەتی ھەرێمی کوردستان
٢٠٢٣/١٠/٣

 


 زۆرترین خوێندراو