تاڵیبان: لە ئۆسلۆ داوای ھاوکاری مرۆییمان بۆ ئەفغانستان کردووە

2022-01-26   |  
فۆتۆ: 
کوردسات نیوز
دوای دوو ڕۆژ لە دانوستان لەگەڵ گەورە دیپلۆماتکارانی خۆرئاوا، بزوتنەوەی تاڵیبان دەرەنجامی وتووێژەکانی ئاشکرا کرد و ڕایگەیاند، وەفدەکەی تاڵیبان بە سەرۆکایەتی مەولەوی ئەمیرخان موتەقی وەزیری دەرەوەی ئەفغانستان داوای دەستەبەرکردنی ھاوکاری مرۆیی بۆ خەڵکی ئەفغانستان کردووە.

وتیشی، ھاوکارییە داواکراوەکانیش بۆ بوارەکانی، تەندروستی، پەروەردە، کشتوکاڵ و پێداویستی مرۆیی بووە.

پێشتر بزوتنەوەی تاڵیبان چەندین جار داوای لە ڕێکخراوە نێودەوڵەتییەکان کردووە، ھاوکاری ھاوڵاتیانی وڵاتەکەی بکەن.

ئەفغانستان لە دوای گەڕانەوەی بزوتنەوەی تاڵیبانەوە دووچاری قەیرانێکی گەورەی ئابووری بووە و کەرتی تەندروستیش بە تەواوی ھەرەسی ھێناوە.