لە دورگەیەکی یۆنان تەرمی منداڵێک دۆزرایەوە

2022-01-08   |  
فۆتۆ: 
کوردسات نیوز
لە کەناراوەکانی دورگەی ناکسۆس لە یۆنان تەرمی منداڵێکی تر دۆزرایەوە، لە ماوەی سێ رۆژی ڕابردوودا ئەوە پێنجەم تەرمە کە لەو دوورگەیە دەدۆزرێتەوە.

حسێن حەمە ساڵح نوێنەری دەزگای لوتکە لە یۆنان بە کوردسات نیوزی راگەیاند پێدەچێت منداڵەکە یەکێک بێت لەو کۆچبەرانەی ٢٢ی کانوونی یەکەمی ٢٠٢١ بەلەمەکەیان لە دەریای ئیجە ژێر ئاو کەوت و تا ئێستا چارەنووسی ژمارەیەک کۆچبەریان نادیارە. 


وتیشی، تەرمی ئەو منداڵە پێنجەم تەرمە لە دوای دۆزینەوەی تەرمی دوو ژن و کچێکی ١٢ ساڵ و گەنجێکی ٢٠ بۆ ٢٥ ساڵ کە لە ماوەی چەند رۆژی رابردوودا لە ھەمان دوورگەی یۆنان دۆزرانەوە و لە ئێستادا لە پزیشکی دادوەری توێکاری و ناسینەوەیان بۆ دەکرێت.