ژمارەیەک کۆچبەری کورد لە لیبیاوە دەگەڕێنرێنەوە بۆ ھەرێمی کوردستان

2021-11-25
فۆتۆ: 
کوردسات نیوز
بڕیارە سبەینێ ژمارەیەک کۆچبەری کورد لە لیبیاوە بگەڕێنرێنەوە بۆ ھەرێمی کوردستان.

ئاری جەلال سەرۆکی دەزگای لوتکە بۆ کاروباری ئاوارە و پەنابەران بە کوردسات نیوزی راگەیاند، بە ھەوڵی قوباد تاڵەبانی جێگری سەرۆکی حکومەتی ھەرێم رۆژی ھەینی لە رێگەی فڕۆکەخانەی نێودەوڵەتی سلێمانی ژمارەیەک کۆچبەری کورد دەگەڕێنرێنەوە.


وتیشی، ئەو کۆچبەرانە ژمارەیان ٤٠ کەسە و ھەموویان خەڵکی ھەرێمی کوردستانن،  ماوەی دوو مانگە لە شاری بنغازی لەلایەن ھێزە ئەمنییەکانی ئەو وڵاتەوە دەستگیر کراون.