پیشبینی دەکرێت نرخی یەک بتکوین بگاتە ملیۆنێک دۆلار
2021-05-07
|
کوردسات نیوز
ئولی ڵیچ شارەزا لە بواری دراوی ژمارەییدا لە پێگەی (کوین دیسک)، پێشبینی بەرزبونەوەی نرخی ئەو دراوەی کردوە بۆ یەک ملیۆن دۆلار لە ماوەی ٥ ساڵی داھاتودا.
ئەو پسپۆڕەی بواری دراوە ژمارەییەکان بە پێگەی (یاھوو فاینانس)ی راگەیاندوە، پێشبینی دەکات خستنەڕوی دراوەکە لە ٥ ساڵی داھاتودا کەمببێتەوە، ئەوەش بەرزبونەوەی بەھای ئەو دراوە ژمارەییەی لێبکەوێتەوە.
بتکوین دیارترین دراوی کۆددارە لە جیھاندا، و بەھای بازاڕیی ئەو دراوە دەگاتە یەک ترلیۆن دۆلار، و لەسەرەتای ئەمساڵیشەوە بەھای دراوەکە لە بەرزبونەوەی بەردەوامدایە، بەتایبەتی دوای ئەوەی کۆمپانیای (تێسلا) بڕیاریدا وەبەرھێنانی تێدا بکات، لە ئێستاشدا نرخی یەک بتکوێن ٥٧ ھەزار و ٢٣٨ دۆلارە.
|