مستەفا کازمی سەرۆک وەزیرانی عێراق، نامەیەک بۆ بەشار ئەسەد سەرۆکی سوریا دەنێرێت و داوای ھەماھەنگی سیاسی و ئەمنی و کاری پێکەوەیی بۆ بەرەنگاربوونەوەی تیرۆر لە ئەسەد دەکات.
ئاژانسی سانای ڕەسمی حکومەتی سوریا بڵاویکردەوە، بەشار ئەسەد لە دیمەشق چاوی کەوتووە بە "فالح فەیاز" سەرۆکی دەستەی حەشدی شەعبی، کە فەیاز نامەیەکی مستەفا کازمی سەرۆک وەزیرانی عێراق، پێشکەشی ئەسەد کردووە.
ئاماژەی بەوەکرد، نامەکە تایبەت بووە بە پەیوەندییە دوو قۆڵییەکانی بەغداد و دیمەشق و پتەوکردنی پەیوەندییە سیاسی و ئەمنییەکانیان، بە تایبەت لە بەرەنگاربوونەوەی تیرۆر و لەناوبردنی مۆڵگە تیرۆرستییەکان لە سنوورەکانی نێوانیان.