وتەبێژی فەرماندەیی گشتی ھێزە چەکدارەکانی عیراق رایگەیاند: ھەموو رێکارێکی پێویست گیراوەتەبەر بۆ پاراستنی سنورەکان لەگەڵ سوریا و روبەڕوبونەوەی ھەر ھێرشێکی لەناکاو.
یەحیا رەسوڵ لە بەیاننامەیەکدا ئاماژەی بەوەکردووە، ھێزە عێراقییەکان ئەرکی خۆیان بۆ پاراستنی سەروەری وڵات جێبەجێدەکەن و گەلی عێراق ئامادەیە دەستی ھاوکاری بۆ براکانی درێژ بکات.
جەختی لەوەشکردەوە، یەکەکانی سوپای عیراق ھەموو ڕێوشوێنێکیان گرتووەتەبەر بۆ پاراستنی سنورەکان لەگەڵ وڵاتانی دراوسێ، بەتایبەتی لەگەڵ لایەنی سوریا لە ناوچەکانی باکووری ڕۆژھەڵات.
یەحیا رەسوڵ وتیشی، لەرێی دەروازەی سنوری قائیمەوە ١١٤ ھاوڵاتی لوبنانی ئاوارە پێشوازییان لێکراوە و ھەوڵەکانیش بۆ وەرگرتنی ئاوارەی زیاتری لوبنانی و گەیاندنی ھاوکارییەکان بۆ ئەو وڵاتە بەردەوامە.