رۆیتەرز: دانوستانەکان بۆ بەستنی ئاگربەستی نوێ لە غەززە دەسپێدەکەنەوە

2024-03-02   |  
فۆتۆ: 
کوردسات نیوز
سبەینێ دانوستانی ئاگربەستی نوێی غەززە لە قاھیرەی بەڕێوەدەچێت.

ئاژانسی رۆیتەرز رایگەیاند، سبەینێ دانوستانی ئاگربەستی غەززە لە قاھیرە بەڕێوەدەچێت بە ئامانجی گەیشتن بە رێککەوتن و وەستاندنی شەڕ لەو ناوچەیەدا. 

دەشڵێت، ئیسرائیل دوای دڵنیابوونەوە لە لیستی ناوی بارمتەکان کە لە ژیاندا ماون نوێنەری خۆی دەنێرێت بۆ دانوستانەکان. 

ئاماژەی بەوەشکردووە، تا ئێستا ئیسرائیل و حەماس ناڕەزاییەتیان لەسەر دەستپێکردنەوەی دانوستانی قاھیرە دەرنەبڕیوە و ھەردوو رەزامەندن لە سەر راگەیاندنی ئاگربەست و ئازادکردنی بارمتەکانیان.  

ریاز مالیکی وەزیری دەرەوەی فەڵەستین رایگەیاند، دەسەڵاتی فەڵەستین گەشبینیە بەوەی پێش ھاتنی مانگی رەمەزان رێککەوتن بکرێت و ئەوان دەسەڵاتێکی شەرعیان ھەیە بۆ ئیدارەدانی غەززە دوای کۆتایی ھاتنی شەڕ.