٢٥ ئەندامی ئەنجومەنی نوێنەران داوای مووچەی سێ مانگی فەرمانبەرانی ھەرێم لە سودانی دەکەن

2024-02-25   |  
فۆتۆ: 
کوردسات نیوز
٢٥ ئەندامی ئەنجومەنی نوێنەران داوا لە سەرۆکوەزیرانی عێراق دەکەن مووچەی سێ مانگی ساڵی رابردوی فەرمانبەرانی ھەرێمی کوردستان خەرج بکات.

ئەو ئەندامانەی ئەنجومەنی نوێنەران لە یاداشتێکدا کە ئاڕاستەی سودانیان کردووە جەختیان کردووەتەوە بەپێی بڕیارەکەی دادگای فیدراڵی پێویستە مووچەی سێ مانگی ساڵی رابردوی فەرمانبەرانی ھەرێمی کوردستان خەرج بکرێت.

د.بڕیار رەشید، ئەندامی ئەنجومەنی نوێنەران کە ئیمزای لەسەر یاداشتەکە کردووە بە کوردسات نیوزی راگەیاند، لە یاداشتەکەدا پاڵپشت بە بڕیارەکەی ھەفتەی رابردوی دادگای فیدڕاڵی، داوایانکردووە بۆ ھەر مانگێک ٦١٨ ملیار دینار بۆ موچەی فەرمانبەران رەوانەی ھەرێم بکرێت، ئومێدیشیان ھەیە کە حکومەتی فیدڕاڵ بڕیار لەسەر پێدانی ئەو سێ موچەیە بدات.

٢١ی ئەم مانگە دادگای فیدڕاڵی سکڵای تایبەت بە مووچەی فەرمانبەرانی ھەرێمی یەکلاکردەوە و رایگەیاند، ئەگەر ھەرێم پابەند نەبوو بە بڕگەی دووەمی مادەی (١٢) لەیاسای بودجەی گشتی فیدراڵی، پێویستە خەڵکی کوردستان بێ بەش نەکرێت لە قوتی ڕۆژانەو سەرچاوەی بژێویی.