خاڵی ژینا ئەمینی سزای زیاتر لە پێنج ساڵ بەندکردنی بەسەردا سەپێنرا

2024-02-11   |  
فۆتۆ: 
کوردسات نیوز
خاڵی ژینا ئەمینی سزای زیاتر لە ٥ ساڵ بەندکردن و قەدەغەی چونەدەرەوەی لە وڵات بەسەردا سەپێنرا.

رێکخراوی مافی مرۆڤی ھەنگاو بڵاویکردەوە، سەفا عائیلی خاڵی ژینا ئەمینی کە لە رۆژانی نزیک لە ساڵیادی گیانلەدەستدانی ژینا، لە شاری سەقز دەستبەسەرکرابوو، لەلایەن دەزگای دادوەریی کۆماری ئیسلامی ئێرانەوە، سزای سێ ساڵ و شەش مانگ و یەک رۆژ بە تۆمەتی بەشداریکردن لە پێکھێنانی باندی دژ بە ئاسایشی نیشتمانی و سزای حەوت مانگ و ١٦ رۆژ بە تۆمەتی چالاکی دژ بە حکومەت، سزای ١٥ وانگ و یەک رۆژ بەندکردن بە تۆمەتی بێڕێزیکردن کردن بە خامنەیی بەسەردا سەپێنراوە.

ئاماژە بەوەشکراوە، خاڵی ژینا بەگشتی سزای پێنج ساڵ و چوار مانگ و ١٧ رۆژ بەندکردن و قەدەغەی چوونە دەرەوەی لە وڵات و نووسین سەبارەت بەو ھێزە حکومییانەی، لە رەوتی بزووتنەوەی ژن ژیان ئازادیدا کوژراون بەسەردا سەپێندرا.