پنتاگۆن: لەسەر ھێرشەکەی بەغداد راپۆرتێک بڵاودەکەینەوە

2024-02-07   |  
فۆتۆ: 
کوردسات نیوز
ھێرشەکەی بەغداد کاردانەوەی لێکەوتەوە و حکومەتی عێراق رایگەیاند، بۆ لێکۆڵینەوە لە ھێرشەکە تیمێکی پسپۆڕ سەردانی شوێنی روداوەکە دەکەن.

میدیا عێراقیەکان بڵاویانکردەوە، لە نزیک ئەو ناوچەیەی تەقینەوەکەی روویداوە چەند کەسێک گردبونەوەتەوە و دروشمیان دژی ئەمریکا وتوەتەوە. 

میدیای ئێرانیش رایگەیاند، ئەبو باقر سەعداوی، سەرکردە لە حزبوڵای عێراقی بە بڕبڕەی پشتی مقاوەمەی ئیسلامی دادەنێن کە ھێرشیان دەکردە سەر سوپای ئەمریکا لە عێراق.

ھاوکات وەزارەتی بەرگری ئەمریکاش رایگەیاند، سەرقاڵی ئامادەکردنی راپۆرتێکن لەسەر ھێرشەکەی بەغداد و بەمنزیکانە بڵاوی دەکەنەوە.