بانکی ناوەندی عێراق کڕین و فرۆشتنی دراوی بیانی لە ھەشت بانکی عێراقی قەدەغە دەکات

2024-02-04   |  
فۆتۆ: 
کوردسات نیوز
بانکی ناوەندی عێراق ھەشت بانکی لە مەزادی دراوی بیانی دورخستەوە و دەڵێت رێگەپێدراو نین مامەڵە بە دراوی بیانییەوە بکەن.

بەپێی نوسراوێکی رەسمی بانکی ناوەندی عێراق، ھەشت بانکی عێراقی بەشداریکردنیان لە پەنجەرەی کڕین و فرۆشتنی دراوی بیانی لێ قەدەغەکراوە و رێگەپێدراو نین بە کڕین و فرۆشتنی دراوی بیانی.

بانکەکان پێکھاتوون لە: بانکی وەبەرھێنانی عێراقی و بانکی کوردستانی نێودەوڵەتی ئیسلامی و بانکی یەکێتی عێراق، بانکی ھودا و بانکی وەبەرھێنانی نێودەوڵەتی ئاشور و بانکی باشوری ئیسلامی بۆ وەبەرھێنان و دارایی و بانکی ئیسلامی عەرەبی لەگەڵ بانکی بازرگانی حامورابی.