دوای ١٠ ساڵ کارکردن کۆمپانیای نەوتی ئیماراتی پشکەکانی خۆی لە کێڵگەی ئەتروش دەفرۆشێت

2024-01-22   |  
فۆتۆ: 
کوردسات نیوز
دوای ١٠ ساڵ کارکردن، کۆمپانیای نەوتی ئیماراتی پشکەکانی خۆی لە کێڵگەی ئەتروش دەفرۆشێت و ھەرێمی کوردستان بەجێدەھێڵێت.

کۆمپانیای ئەبوزەبی نیشتمانی بۆ وزە کە بە کۆمپانیای "تاقە" ناسراوە، ئامادەکاری دەکات بۆ فڕۆشتنی پشکەکەی لە کێڵگەی ئەتروش بۆ نەوت. 

کۆمپانیاکە رایگەیاندووە، رێککەوتنێکی کۆتاییان لەگەڵ کۆمپانیای جەنەراڵ ئێکسپلۆرەیشن پارتنەرز کردووە بۆ فڕۆشتنی تەواوی پشکەکانی لەو کێڵگە نەوتییە، بەڵام وردەکاری زیاتری نەخستووەتەڕوو. 

کۆمپانیای تاقە بەڕێژەی ٥٣.٢% پشکی بەکاربردنی لە کێڵگەکە کڕیبوو، لە بەرامبەر ٦٠٠ ملیۆن دۆلار لە کۆمپانیای جەنەراڵ ئێکسپلۆرەیشن. 

کێلگەی ئەتروش کە دەکەوێتە نزیک ھەولێر، لە کۆتایی ساڵی ٢٠١٩ نزیکەی ٥٠ ھەزار بەرمیل نەوتی رۆژانەی بەرھەمدەھێنا.