داھاتی نەوتی عێراق بۆ مانگی رابردوو ھەشت ملیار دۆلاری تێپەڕاند

2023-12-25   |  
فۆتۆ: 
کوردسات نیوز
وەزارەتی نەوتی عێراق رایگەیاند، داھاتی مانگی تشرینی دووەمی ڕابردوو ھەشت ملیار دۆلاری تێپەڕاندووە.

وەزارەتی نەوتی عێراق لە راگەیەندراوێکدا بڵاویکردەوە، مانگی رابردوو ھەناردەکردنی نەوتی خاو بۆ ١٠٢ ملیۆن و ٩٧٥ ھەزار و ٧٨٢ بەرمیل بەرزبۆتەوە،  داھاتەکەشی گەیشتۆتە  ھەشت ملیار و ٤٨١ ملیۆن و ٥٥٨ ھەزار دۆلار.

راشیگەیاند، کۆی گشتی بڕی ھەناردەکراوی نەوتی خاو بۆ مانگی تشرینی یەکەم لە کێڵگە نەوتییەکانی ناوەڕاست و باشووری عێراق بڕی ١٠١ملیۆن و ٧٦٤ ھەزار و ٦٢٠ بەرمیل بووە.

ئاماژەی بەوەشکرد، تێکڕای نرخی یەک بەرمیل (٨٢,٣٦٥) دۆلار  بووە.